CHANSON 48
Annou Maché Épi Jéhova Chak Jou
(Mayka 6:8)
1. Annou maché épi Bondyé.
Ann’ fè sa épi imilité.
Sa sé an pwivilaj spésyal
èk an lonnè ki ka fè nou djé.
Nou sav Jéhova enmen nou.
Alò nou tout vlé sèvi’y.
Èk lè nou ba li lavi nou,
sa ka vwéman fè Dyé plézi.
2. Nou tout sav Satan an kòlè.
Talè sistenm li kay dispawèt.
Lèlmi nou ka òpozé nou;
Sa yo vlé sé pou fè nou tout pè.
Mé Bondyé ka pwotèkté nou.
Kon sa, nou vlé wèsté pwé’y.
Nou tout vlé sèvi’y pou tout tan.
Nou pyès pa janmen vlé kité’y!
3. Jéhova ka ban nou bon èd
pa Pawòl li èk pa lèspwi’y sen.
Jéhova ban nou lapwiyè
èk I ban nou an chay fwè èk sè.
Kon nou ka maché épi Dyé,
I kay édé nou viv dwèt
èk édé nou wèsté fidèl
èk pou nou ni on tjè onnèt.
(Gadé osi Jennésis 5:24; 6:9; 1 Wa 2:3, 4.)