LISON 1

Fè An Bon Entwodiksyon

Twavay 17:22

WÉZIMÉ: Entwodiksyon’w sipozé fè moun anvi kouté sa ou kay di. I sipozé di yo sijé-a ou kay palé asou èk wézon yo dwé entéwésé an sijé sala.

Fè moun anvi kouté’w. Chwazi an kwèsyon, an mo pawòl, an èspéyans ki té fèt vwé, èben nouvèl moun kay entéwésé adan.

Andavans katjilé byen asou sa moun entéwésé adan, èben sa ki ka twakasé yo. Sèvi an entwodiksyon ki apwopwiyab.
Mansyonnen sijé’w. Fè asiwé ki, entwodiksyon’w ka fè sijé’w èk òbdjèktif pwézantasyon’w klè, pou moun konpwann.
Moutwé wézon-an sijé-a enpòtan. Silon sa moun-lan bizwen, fè chanjman an sa ou ka di. Yo sipozé byen konpwann ki mannyè sijé-a kay édé yo an lavi yo.

Padan ou ka pwépawé an diskou, mandé kò’w: ‘Ki sitiwasyon sé fwè èk sè-a an kongwigasyon mwen ka débat épi?’ Èk apwé, silon sa sé fwè èk sè-a bizwen, wanjé entwodiksyon’w.