5. Wanson-an Sé Pli Bèl Kado-a Bondyé Ban Nou

1 NOU TOUT BIZWEN WANSON-AN

“Mwen Gason Lézòm-lan . . . mwen vini pou mwen bay lavi mwen pou mwen sové an chay moun.”—Mafyou 20:28

Pou ki wézon nou bizwen wanson-an?

• Jennésis 3:​17-19

  Adanm té ni an wilasyon spésyal épi Jéhova, an lavi pawfé, èk I té ka viv an pawadi. Lè I dézobéyi Bondyé I pèd tout sa.

• Ronm 5:12

  Paski Adanm dézobéyi Bondyé, I pasé péchè èk lanmò ban nou tout.

• Èfésòs 1:7

  Jéhova ka sèvi wanson-an pou libéwé lézòm anba péché èk lanmò.

2 SÉ JÉHOVA KI POTJIWÉ WANSON-AN

“[Bondyé] voyé sèl Gasonʼy-lan adan latè sala kon sa I pé ban nou lavi étonnèl.”—1 Jan 4:9

Ki mannyè Jéhova potjiwé wanson-an?

• Sam 49:7, 8

  Nou pyès pa té sa janmen péyé wanson-an pou achté lavi pawfé-a Adanm té pèd-la.

• Louk 1:35

  Jéhova voyé gason-an I chéwi plis asou latè. Jézi té fèt pawfé.

• Ronm 3:​23, 24; Hibrou 9:24

  Jézi witounen an syèl apwé Jéhova té wésisité’y. Èk la I ofè Jéhova wanson-an, sa vlé di, valè lavi pawfé-a I té ni lè I té an nonm.

3 WANSON-AN KA BAN NOU ÈSPWA

“I kay swiyé tout dlo ki an zyé yo. La pa kay ni lanmò ankò.”—Wévélasyon 21:4

Ki bennéfis wanson-an sa ban nou?

• 1 Jan 1:​8, 9

  Bondyé sa pawdonnen péché nou.

• Hibrou 9:​13, 14

  Nou sa ni an bon konsyans douvan Bondyé.

• Ronm 6:23

  Nou sa twapé lavi étonnèl an tan ki ka vini.

• Galécha 2:20

  Wanson-an ka bay pwèv ki, Jéhova èk Jézi vwéman enmen nou.

4 NOU NI POU MOUTWÉ NOU APWÉSYÉ WANSON-AN

“Bondyé . . . bay sèl Gasonʼy-lan pou yo. Tout moun ki kwè an li . . . kay ni lavi étonnèl.”—Jan 3:16

Ki mannyè nou sa moutwé nou ka apwésyé wanson-an?

• Jan 17:3

  Vini konnèt Jéhova èk Jézi èk imité yo.

• Louk 22:19

  Atandé Mémoriyal lanmò Jézi Kwi toulé lanné.

• Jan 3:36; Jémz 2:26

  Pa annèk di ou ka kwè an Jézi. Fè sa Jézi mandé nou pou fè.