Lisentèspwi Édé Sé Fwè-a Akonpli Yon Ansayman Ki Té Byen Difisil

Dépi tan lontan, sèvant Bondyé ka fè bagay ki èstòdinè, yo ka fè sé bagay sala pa épi fòs yo menm, mé épi èd Jéhova. An lanné mil nèf san senkant kat (1954), ògannizasyon Jéhova fè an pòtwé ki ni tit-la Mannyè Ògannizasyon Jéhova Ka Twavay. Fwè èk sè ki ka wann sèvis an Bèfèl fè pòtwé sala, magwé yo pa té ni pyès èspéyans an kalité twavay sala. Sété lisentèspwi Jéhova tousèl ki té sa édé sé fwè sala épi pwojé difisil sala. Sa ka ban nou konfyans ki, si nou apiyé asou Jéhova, népòt ansayman nou ni nou sa ni siksé.​—Zèk. 4:6.

GADÉ VIDIYO-A MANNYÈ YO FÈ PÒTWÉ-A “MANNYÈ ÒGANNIZASYON JÉHOVA KA TWAVAY”, ÈK APWÉ WÉPONN SÉ KWÈSYON SALA:

• Poutji sé fwè-a té désidé pou fè an vidiyo konsèné pwensipal ofis Témwen Jéhova?

• Ki mannyè pòtwé-a moutwé Bèfèl menm kon kò-a?​—1 Kòr. 12:14-20

• Lè sé fwè-a té ka fè pòtwé-a, ki difikilté yo té ni èk ki mannyè yo ganyen a bout yo?

• Kisa èspéyans sala ka di nou konsèné lisentèspwi Jéhova?