LAVI NOU KON KWITYEN
Fòtifyé Lafwa’w An Pawòl Bondyé
Pawòl Bondyé sa chanjé lavi nou. (Hibrou 4:12) Kanmenm, pou nou twapé bennéfis an diwèksyon-an èk konsèy-la Bib-la ka bay, nou ni pou ni asiwans-lan Bib-la sé vwéman “pawòl Bondyé”. (1 Tèsalonnika 2:13) Mé kisa nou sa fè pou fòtifyé lafwa nou an Bib-la?
Li ében kouté an pòsyon an Bib-la touléjou. Kon ou ka li ében kouté Bib-la, gadé pou pwèv ki ka moutwé Bib-la sé Pawòl Jéhova. Pou ègzanp, ou sa ègzanminé sé konsèy-la ki an liv Pwovèb, èk òbzòvé mannyè nou sa sèvi lasajès-la an lavi nou jòdi.—Pwovèb 13:20; 14:30.
Koumansé an pwojé pou étidyé Bib-la. Fè asiwé ou konnèt pwèv ki ka moutwé sé Bondyé ki bay sé nonm-lan ki ékwi Bib-la enfòmasyon-an yo ékwi-a. Pou twapé pli enfòmasyon ki ka moutwé Bib-la sé vwéman Pawòl Bondyé, ou sa gadé anba sijé-a “The Bible” èk apwé gadé anba “Inspired By God” an liv-la Research Guide for Jehovah’s Witnesses. Osi, ou sa ègzanminé enfòmasyon-an anba Appendix A3 ki an Bib-la New World Translation, pou édé’w wè konmisyon-an ki an Bib-la pa janmen chanjé.
GADÉ VIDIYO-A WÉZON NOU NI LAFWA . . . AN PAWÒL BONDYÉ, ÈK APWÉ WÉPONN SÉ KÈSTYON SALA:
Kisa yo té wè asou an tanp an Karnak, Éjip, ki ka moutwé sa ki an Bib-la sé lavéwité-a?
Ki mannyè nou sav konmisyon-an ki an Bib-la pa janmen chanjé?
Magwé an chay moun té éséyé pou détwi Bib-la nou ni’y jòdi. Konsa, ki mannyè sa ka moutwé Bib-la sé vwéman Pawòl Bondyé?—Li Izaya 40:8