Lavéwité An Bib-la Nou Enmen Enstwi Moun

Jézi di, moun ki ni bon tjè kay konnèt lavéwité-a lè yo tann li. (Jan 10:​4, 27) Konsa, lè nou palé épi moun, nou vlé sépawé an bagay an Bib-la ki senp épi yo. Pitèt nou sa koumansé konvézasyon-an épi yon kèstyon tèl kon: “Ès ou té sav . . . ?” ében “Ès ou janmen tann . . . ?” Èk apwé nou sa entwodwi sijé-a nou vlé diskité épi yo, èk nou sa sèvi lévanjil-la ki ka sipòté sijé-a. Konsa lè nou patajé an bagay an Bib-la ki senp épi yon moun, nou ka planté an gwenn an tjè moun-lan, èk Bondyé sa fè gwenn sala pwofité!—1 Kòrint 3:​6, 7. Mi yonndé bagay nou enmen palé épi moun konsèné:

• Sa ki kay fèt an tan pou vini

• Fanmi

• Bondyé

• Lapwiyè

• Jézi

• Wéyòm Bondyé

• Soufwans

• Lanmò

• Wilizyon

SA KI KAY FÈT AN TAN POU VINI

1. 1. Lè nou wè sa ki ka fèt jòdi jou, èk mannyè moun ka viv lavi yo, sa ka moutwé touswit Bondyé kay mété an lanmen.—Mafyou 24:​3, 7, 8; Louk 21:​10, 11; 2 Timòfi 3:​1-5.

2. 2. Latè-a pa kay janmen détwi. I kay la pou tout tan.—Sam 104:5; Ékléziyastis 1:4.

3. 3. La pa kay ni mové tan asou latè-a ankò. Latè-a kay vini on pawadi.—Izaya 35:​1, 2; Wévélasyon 11:18.

4. 4. Tout moun kay ni bon santé.—Izaya 33:24; 35:​5, 6.

5. 5. Ou sa viv pou tout tan asou latè-a.—Sam 37:29; Mafyou 5:5.

FANMI

1. 6. An mawi sipozé “enmen madanm li menm kon i enmen kòʼy.”—Èfésòs 5:33; Kòlòsé 3:19.

2. 7. An madanm sipozé ni wèspé pou mawi’y.—Èfésòs 5:33; Kòlòsé 3:18.

3. 8. An mawi èk madanm sipozé wèsté fidèl pou yonn a lòt.—Malakay 2:16; Mafyou 19:​4-6, 9; Hibrou 13:4.

4. 9. Manmay ki ka wèspèkté èk obéyi pawan yo kay ni siksé an lavi.—Pwovèb 1:​8, 9; Èfésòs 6:​1-3.

NASA, ESA èk Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

BONDYÉ

1. 10. Bondyé ni an non.—Sam 83:18; Jérémaya 10:10.

2. 11. Bondyé ja ban nou an konmisyon ki byen enpòtan an Bib-la.—2 Timòfi 3:​16, 17; 2 Pita 1:​20, 21.

3. 12. Bondyé pa ka moutwé pwéféwans.—Ditonronnonmi 10:17; Twavay 10:​34, 35.

4. 13. Bondyé vwéman vlé édé nou.—Sam 46:1; 145:​18, 19.

LAPWIYÈ

1. 14. Bondyé vlé nou palé ba li an lapwiyè.—Sam 62:8; 65:2; 1 Pita 5:7.

2. 15. Bib-la ka di nou mannyè nou sipozé pwédyé.—Mafyou 6:​7-13; Louk 11:​1-4.

3. 16. Nou sipozé pwédyé souvan.—Mafyou 7:​7, 8; 1 Tèsalonnika 5:17.

JÉZI

1. 17. Jézi sété on bon titja èk nou sa sèvi tout konsèy li jòdi jou.—Mafyou 6:​14, 15, 34; 7:12.

2. 18. Jézi té ja palé konsèné sé bagay-la ki ka fèt an latè-a jòdi jou.—Mafyou 24:​3, 7, 8, 14; Louk 21:​10, 11.

3. 19. Jézi sé Gason Bondyé.—Mafyou 16:16; Jan 3:16; 1 Jan 4:15.

4. 20. Jézi sé pa Bondyé.—Jan 14:28; 1 Kòrint 11:3.

Based on NASA/Visible Earth imagery

WÉYÒM BONDYÉ

1. 21. Wéyòm Bondyé sé an gouvèdman an syèl.—Dannyèl 2:44; 7:​13, 14; Mafyou 6:​9, 10; Wévélasyon 11:15.

2. 22. Wéyòm Bondyé kay tiwé tout gouvèdman lézòm.—Sam 2:​7-9; Dannyèl 2:44.

3. 23. Wéyòm Bondyé kay wanjé tout pwoblenm lézòm.—Sam 37:​10, 11; 46:9; Izaya 65:​21-23.

SOUFWANS

1. 24. Sé pa Bondyé ki ka fè nou soufè.—Ditonronnonmi 32:4; Jémz 1:13.

2. 25. Sé Satan ki ka kondwi latè-a.—Louk 4:​5, 6; 1 Jan 5:19.

3. 26. Bondyé ka wè soufwans ou, èk i vlé édé’w.—Sam 34:​17-19; Izaya 41:​10, 13.

4. 27. Touswit Bondyé kay tiwé tout bagay ki ka fè nou soufè.—Izaya 65:17; Wévélasyon 21:​3, 4.

LANMÒ

1. 28. Moun ki mò pa ka soufè paski yo pa konnèt anyen.—Ékléziyastis 9:5; Jan 11:​11-14.

2. 29. Moun ki mò pa sa ni édé nou, ni fè nou ditò.—Sam 146:4; Ékléziyastis 9:​6, 10.

3. 30. Moun nou enmen ki mò kay viv ankò.—Jòb 14:​13-15; Jan 5:​28, 29; Twavay 24:15.

4. 31. Touswit Bondyé kay tiwé lanmò pou tout tan.—Wévélasyon 21:​3, 4; Izaya 25:8.

WILIZYON

1. 32. Sé pa tout wilizyon ki ka plè Bondyé.—Jérémaya 7:11; Mafyou 7:​13, 14, 21-23.

2. 33. Bondyé hayi moun ki ipokwit.—Izaya 29:13; Mayka 3:11; Mak 7:​6-8.

3. 34. Ou kay konnèt sé moun-lan ki vwéman disip Jézi pa lanmityé-a yo ka moutwé yonn a lòt.—Mayka 4:3; Jan 13:​34, 35.