Madjik Èvèk Tjenbwa Mové

Satan vlé ou pwaktiké madjik. An chay moun ka fè sakwifis bay ayèl yo ében bay lèspwi pou pwotéjé kò yo hòd ditò. Yo ka fè sa paski yo pè pouvwa sé lèspwi-a. Yo ka mété bag ében bwaslé madjik. Yo ka bwè ében foté asou kò yo “wimèd” ki sipozé ni pouvwa madjik. Adan moun ka séwé bagay yo kwè ki ni pouvwa pou pwotéjé yo, andidan kay yo ében an tè-a. Lézòt ka sèvi “wimèd” madjik paski yo kwè I kay mennen yo siksé an biznis, lègzanmé lékòl, èvèk wilasyon ant nonm èvèk fanm.

Pli mèyè pwotèksyon ou ni kont Satan sé pou ni Jehovah kon jan’w.

Dyé Jehovah èvèk sé nanj li-a ni twòp pli pouvwa pasé Satan èvèk sé vyé lèspwi’y-la. (Jémz 2:19; Wévélasyon 12:9) Jehovah toujou pawé pou sèvi pouvwa’y pou édé sé jan’y-lan—moun ki konplèt an fidèlité yo pou li.—2 Kwonnikèl 16:9.

Pawòl Bondyé di: “Ou pa ni pou pwaktiké madjik.” Jehovah ka kondanné madjik èvèk tjenbwa paski sé pwaktik sala sa mété’w diwèktiman anba pouvwa Satan Denmou-an.—Livitikas 19:26.