Jan Bondyé Ka Fè Sa Ki Bon

Lè ou ni an jan ou ka admiwé èvèk pòté wèspé, ou ka éséyé fè menm kon li.Bib-la di ki “Jehovah bon èvèk dwèt.” (Sam 25:8) Pou fè jan épi Bondyé, nou ni pou bon èvèk dwèt. Bib-la di: “Imité Bondyé paski I enmen zòt kon ich li, èvèk kontiné maché an lanmityé.” (Èfésòs 5:1, 2) Mi déotwa mannyè pou fè sa:

Édé lézòt. “Annou twavay pou fè sa ki bon bay tout moun.”—Galécha 6:10.

Twavay wèd. “Kité vòlè-a doubout vòlè, mé pito kité’y twavay wèd, èvèk sèvi lanmen’y pou fè bon twavay.”—Èfésòs 4:28.

Tjenn kò’w pwòp fizikalman èvèk mowalman. “Annou nétwayé an lavi nou tout bagay ki ka sali lachè nou èvèk lèspwi nou, èvèk fè fòs kò nou pou viv an lavi ki byen nèt paski nou ni kwentif Bondyé.”—2 Kòrint 7:1.

Twété manm fanmi’w épi lanmityé èvèk wèspé. “Sé pou zòt chak . . . enmen madanm zòt menm kon zòt enmen kò zòt; asou lòt lanmen-an, madanm-lan sipozé ni gwan wèspé pou mawi’y. Manmay, obéyi pawan’w.”—Èfésòs 5:33-6:1.

Moutwé lézòt lanmityé. “Annou kontiné enmen yonn a lòt, paski lanmityé sòti an Bondyé.”—1 Jan 4:7.

Obéyi sé lwa péyi-a. “Sé pou tout moun an soumisyon pou sé [gouvèdman-an] . . . Bay yo tout sa ki ka vini pou yo. Si yo vlé taks, péyé taks-la.”—Ronm 13:1, 7.