Entwodiksyon Pou Sèksyon 4

An sèksyon sala, nou kay apwann konsèné Jozèf, Jòb, Moziz, èk jan Izwayèl. Magwé yo tout té ka sèvi Jéhova, yo té soufè an chay anba lanmen Denmou-an. Annèk imajiné sa: Adan di yo té èspéyansé pasdwa, yo mété adan di yo an pwizon, yo sèvi adan di yo kon èslav, èk la té jis ni sa yo tjwé. Mé an tout sé difikilté-a yo èspéyansé-a, Jéhova té toujou la épi yo, èk i pwotéjé yo an plizyè diféwan mannyè. Pou ègzanp, lè jan Izwayèl té anba èsklavaj an péyi Éjip, sé Éjipsyen-an té ka maltwété yo an chay. Mé, Jéhova délivwé pèp li anba lanmen sé Éjipsyen-an. I voyé dis «10» plég asou péyi Éjip. Èk sé plég sala té moutwé a klè, Jéhova ni twòp pli pouvwa pasé tout sé fo dyé-a sé Éjipsyen-an té ka adowé-a.

Si’w sé on pawan, ou sa sèvi enfòmasyon sala pou moutwé ich ou mannyè Jéhova té pwotéjé pèp li an tan pasé, èk pou édé yo konpwann, Jéhova ka fè menm bagay-la bay sèvant li jòdi jou. Osi, édé yo pou wè mannyè sèvant Jéhova té wèsté fidèl pou li, magwé yo té soufè an chay.