CHANSON 95
Klèté-a Ka Vini Pli Klè
(Pwòvèb 4:18)
1. Sé pwofèt-la té anvi konnèt Jézi
pas sé’y ki èspwa pou tout lézòm.
Papa Bondyé té di Jézi kay vini
pou ofè tout lézòm salvasyon.
Nou pa ni pyès dout Jézi Kwi ka kondwi
paski èvidans-lan byen klè.
Pou konnèt tout sa, sé an lonnè pou nou
paski jik nanj té vlé konnèt tou!
(WÉPONS)
Wi, chimen nou ka vini pli klè.
Sé Bondyé ki ka djidé nou.
Nou kontan pou maché an klèté’y.
Ann’ maché épi’y toulé jou.
2. Jézi té apwenté èslav fidèl-la
pou ban nou manjé lè nou bizwen’y.
Lavéwité-a ka kléwé pli èk pli;
I ka touché nou pis I byen senp.
Chimen nou pli klè èk lafwa nou pli fò;
Nou ka maché épi konfyans.
Annou wimèsyé Papa nou Jéhova.
Nou kontan pou maché an chimen’y.
(WÉPONS)
Wi, chimen nou ka vini pli klè.
Sé Bondyé ki ka djidé nou.
Nou kontan pou maché an klèté’y.
Ann’ maché épi’y toulé jou.
(Gadé osi Ronm 8:22; 1 Kòr. 2:10; 1 Pita 1:12.)