Ès Mwen Pawé?
Ès Mwen Pawé Pou Koumansé Pwéché Épi Kongwigasyon-an?
Ou pawé pou vini an pwoklanmatè ki p’òkò batizé si’w . . .
ka toujou étidyé Bib-la, pwédyé, èk ka atandé sé mitin-lan.
enmen sa’w ka apwann èk ou ka di moun sa’w ka apwann.
enmen Jéhova èk ou ka chwazi moun ki enmen’y kon bon jan’w.
ja tiwé kò’w an tout ògannizasyon ki ni pou fè épi pòlitiks ében fo wilizyon.
ja mété lavi’w annòd an ling épi wèg Jéhova èk ou vlé vini on Témwen Jéhova.
Si’w ka santi ou pawé pou koumansé pwéché épi kongwigasyon-an, moun-lan ki ka étidyé épi’w-la sa fè awanjman pou’w sa palé épi sé ansyen-an, èk yo kay diskité épi’w sa ou sa fè pou’w kwalifyé.
Ès Mwen Pawé Pou Batizé?
Ou pawé pou batizé si’w . . .
sé an pwoklanmatè ki p’òkò batizé.
ka fè tout sa ou pé pou pwéché silon sitiwasyon’w.
ka sipòté ‘èslav-la ki fidèl èk ki ni lasajès’, èk ou ka swiv diwèksyon yo.—Mafyou 24:45-47 NWT.
ja pwédyé èk di Jéhova ou vlé sèvi’y pou tout tan.
Si’w ka santi ou pawé pou’w batizé, moun-lan ki ka étidyé épi’w-la sa fè awanjman pou’w sa palé épi sé ansyen-an, èk yo kay diskité épi’w sa ou sa fè pou’w kwalifyé pou batenm.