“Mi Magajin Macon nyo Brocuwa Mo Keken ma Gudo Cwiny Dano-nu”

I dwe ma watero buk me Baibul Pwonyo kun watute me cako kwano Baibul ki dano i acakki me rwattewa, ka rwod ot dong tye ki buk man dok pe mito kwano Baibul, watwero miyo magajin mo macon nyo brocuwa mo keken ma gudo cwinye. Pingo?

Magajin macon ki brocuwa ginyamo lok i kom jami mapat pat. Gin mo ma kinyamo i magajin nyo brocuwa magi gire twero gudo cwiny rwod ot. Pi meno, ka itye ka keto bukke i kicaani me pwony, ket bene iye magajin macon ki brocuwa mapat pat. Ka pe itye ki magajin macon, itwero gamo mogo ki i ka gamo magajin i kacokke. Ci, ka rwod ot dong tye ki buk me Baibul Pwonyo dok pe mito kwano Baibul, itwero nyuto bote magajin ki brocuwa ma tye boti dok ikwaye me yero mene ma gudo cwinye. I nge meno, ket yub me dok cen ka dongo mitine. Gwok nyo ibitwero cako kwano Baibul kwede lacen.