Ti Maber ki Magajin Macon

Kit macalo ngat mo pe romo nongo ber pa magajinwa macon ka kigwokogi nyo kibayogi woko, omyero wanong yo me pokogi bot dano. Magajin acel keken bene twero tugo miti pa ngat mo ci miyo en cako lwongo nying Jehovah. (Rom. 10:13, 14) Kany kiryeyo tam mogo i kom kit ma watwero tic kwede ki magajin macon.

• Ka wutye ka pwony i wang tic ma lutit kwena pe gitiyo iye kare ducu, wuromo weko magajin acel ka ma pe nen bot jo mukene, i paco ka ma dano pe gang.

• Ka wutye ka tic ka ma guro wi dano mapol calo ka kuro bac nyo gar, penygi ka gimito gin mo me akwana, nyut botgi magajin macon mapatpat ci iwek guyer ma cwinygi mito.

• Ka wucito i ot yat nyo kabedo mukene ma tye i wang ticwu, wuromo weko magajin mogo macon ka ma dano bedo iye ka gitye ka kuro kony. Bedo ber ka kong ipenyo ladit tic ma peya itimo meno. Ka wunongo ni magajinwa dong tye kenyu, ci pe wuwek mukene.

• Ka itye ka yubbe me dok cen ka lim, tam i kom miti pa ngat acel acel ma ibicito ka limone. Tika en tye ki lupacone? En mono maro wot me limo kin piny? Nyo mono obedo lapur? Ngi i kin magajin macon ma itye kwede wek inong pwony mogo mupore ki mitine, ci inyut bote ka idok.

• Ka watemo tyen mapol me nongo ngat mo ma onyuto miti, ce lacen wanongo en gang, watwero nyuto bote magajin macon ma en okeng.