Kit me Miyo Lagam Maber

Lagam mabeco dongo dano me kacokke. (Rom 14:19) Lagam maber bene kelo yomcwiny bot ngat ma tye ka miyone. (Car 15:23, 28) Pi meno, myero watute me miyo olo lagam acel i cokke ducu. Ngene kene ni, pe dong tye ni kibiyerowa ka teke wailo cingwa. Pi man, bedo ber ka wayubo lagam mapol.

Lagam maber . . .

• cek dok niang iye yot. Pol kare kitwero miyone i cekon 30 keken nyo ma pe o

• a ki i cwinyi

• pe nwoyo mere gin ma ngat mukene ogamo

Ka in aye kikwongo yeri, . . .

• mi lagam macek ma gamo lapeny meno atir

Ka kigamo lapeny meno woko, iromo . . .

• nyuto kit ma wang ginacoya moni kubbe kwede ki lok ma wutye ka nyamone

• tito kit ma lok meno gudo kwede kwowa

• tito kit ma waromo tic kwede ki ngec meno

• tito wiye wiye gin mo mutimme