¿Wach uʼanik qariq kikotemal pa qafamilia?
¿Kabʼij nuwi chi rajwaxik...
... kʼax qana qibʼ?
... kʼi qamer?
... o awetaʼam taj?
¿WACH KUBʼIJ I BIBLIA?
«Mas utz ke ike chi kkita utzij i Dios xaq lik kkikojo» (Lucas 11:28, I LOʼLAJ TZIJ RE I DIOS, SBG).
¿WACH ATOʼIK KUʼANO RETAMAXIK IRI?
Kʼax qana qibʼ pa qakʼulankil (Efesios 5:28, 29).
Lik qaʼan respetar qibʼ chqawach (Efesios 5:33).
Qariq kikotemal pa qafamilia (Marcos 10:6-9).
¿UTZ NUWI KAKOJO I KUBʼIJ I BIBLIA?
Utz, o kebʼ rumal:
Dios xuʼan i familia. I Biblia kubʼij chi konojel i familia je petnaq ruʼ i Dios (Efesios 3:14, 15). Iri kraj kubʼij chi familia je olik xa rumal i Jehová xeʼuʼano. ¿Bʼuchak rajwaxik kqetamaj iri?
Chatchʼobʼon chirij jun comida chi lik jel y kawaj kawetamaj wach taq kojom ruʼ, ¿pachin che katzʼonoj wi? Re kawetamaj, katzʼonoj che i winaq chi xuʼan i comida.
Xaq junam we kawaj kariq kikotemal pa afamilia, utz katzukuj utobʼal i Jehová man are ire xʼanaw i familia (Génesis 2:18-24).
Dios kʼax kojunaʼo. Yet junam ruʼ afamilia utz kitzukuj i pixbʼanik chi Jehová kuya chupam i Biblia, «man ire utz qachajixik kuʼano» (1 Pedro 5:6, 7). Jehová kraj i utz chqe y upixbʼanik lik kojuto pa qakʼaslemal (Proverbios 3:5, 6; Isaías 48:17, 18).
CHATZʼONOJ CHE AWIBʼ
¿Wach nuwi uʼanik kʼax kana awixoqil o awachijil? ¿Wach uʼanik katuʼan jun utz laj tat o nan?
Kariq lapbʼal uwach pa Biblia pa EFESIOS 5:1, 2 y pa COLOSENSES 3:18-21.