Kojchʼaʼt che ri xmaj laa| ri taq kʼutunik 1 kʼa che ri 12

Chupa ri Biblia lik kʼi ri bʼiʼtisinik kʼolik, ¿pachike nawi ri bʼiʼtisinik lik kukʼul kʼuʼx laa? ¿Suʼchaak nawi kukʼul kʼuʼx laa wa bʼiʼtisinik kakʼun chiqawach panoq?

¿Suʼchaak nawi kakoj laa e ri Biblia petinaq ruukʼ ri Dios?

¿Suʼchaak nawi lik chirajawaxik kaqabʼiʼij rubʼiʼ ri Dios?

Ri Biblia kubʼiʼij «Lal [Jehová] xʼanaw la re ronoje ri kʼolik» (Apocalipsis 4:11). ¿Kakoj nawi laa ri kubʼiʼij ri Biblia?

Chila alaaq Proverbios 3:32.

• ¿Suʼchaak nawi e ri Jehová e ri más utzilaj qamigo?

• ¿Saʼ karaaj ri Jehová che ri kibʼinik kisilabʼik ri taq ramigo? ¿Kachʼij nawi laa uʼanik?

  (Chila laa ri taq kʼutunik 07 y 08).

Chila alaaq Salmo 62:8.

• ¿Saʼ tzʼonoom laa che ri Jehová echiriʼ xʼan laa ri oración? ¿Saʼ taq puwiʼ katzʼonoj laa che ri Dios echiriʼ kaʼan laa orar?

• ¿Saʼ rukʼulik uwach ri qa-oración kuʼan ri Dios?

  (Chila laa ri kʼutunik 09).

Chila alaaq Hebreos 10:24, 25.

• ¿Saʼ kutoʼ wi laa ri molobʼal iibʼ ke ri testigo re Jehová?

• Tobʼ lik kʼayew che laa, ¿utz nawi kopon laa pa ri molobʼal iibʼ?

  (Chila laa ri kʼutunik 10).

¿Suʼchaak nawi lik chirajawaxik kaqil upa ri Biblia ronoje taq qʼiij? ¿Saʼ ri hora kil laa upa ri Biblia ronoje taq qʼiij?

¿Saʼ taq ri kukʼul kʼuʼx laa che wa kʼutunik re ri Biblia?

Woʼora katajin laa che ukʼamik ri kʼutunik re ri Biblia, ¿kʼo nawi juna kʼaxkʼoliil pa ri kʼaslemaal laa? ¿Saʼ ri kʼaxkʼoliil riqom laa? ¿Saʼ ri toʼbʼal kariq laa chaʼ na kaya ta kan laa ri kʼutunik re ri Biblia?