¿Saʼ kebʼutoʼ ri taq pamilia re kakiriq kiʼkotemal?

RI BIBLIA KUBʼIʼIJ

«¡Ri kakita ri kubʼiʼij ruchʼaʼteem ri Dios y kakikoj pa ri kikʼaslemaal kakiriq kiʼkotemal!» (Lucas 11:28, Traducción del Nuevo Mundo, 2019).

WE QATZIJ WAʼ, ¿SAʼ RI UTZ KUKʼAM LO CHE LAA?

Kʼax kanaʼ laa ri achijiil o ixoqiil laa (Efesios 5:28, 29).

Ri laal y ri achijiil o ixoqiil laa, kiʼan respetar iibʼ chiwach alaaq (Efesios 5:33).

Ri pamilia laa kekʼojiʼ junaam y na kakijach ta kiibʼ (Marcos 10:6-9).

¿QATZIIJ NAWI RI KUBʼIʼIJ RI BIBLIA?

Qatziij, chila laa ri kaʼibʼ kʼutubʼal re:

• E ri Dios xʼanaw re ri pamilia. Ri Biblia kubʼiʼij «che ri Qaqaw e petinaq wi konoje taq ri familia» (Efesios 3:14, 15, El Nuevo Testamento en Rabinal Achí, Wycliffe Bible Translators). Waʼ karaaj kubʼiʼij konoje taq ri pamilia e kʼolik ruma ri Jehová. ¿Suʼchaak lik chirajawaxik kaqetaʼmaj waʼ?

  Chʼobʼo pe laa: we ri laal katajin laa che jun bʼiqʼibʼal wa lik quus y kaʼaj laa ketaʼmaj laa saʼ ukunubʼaliil kojom che, ¿chinaʼ che katzʼonoj wi laa? Che ri tikaweex ri xʼanaw re.

  We kaʼaj laa ketaʼmaj laa saʼ uʼanik kariq laa kiʼkotemal pa ri pamilia laa chirajawaxik katzʼonoj laa che ri Jehová, ma rire xʼanaw re ri pamilia (Génesis 2:18-24).

• Ri Dios lik kok il che alaaq. We katzukuj laa ri taq pixabʼanik re ri Biblia kariq tobʼal laa «ma Rire lik kok il che chajixik alaq» (1 Pedro 5:6, 7). Ri Jehová karaaj ri utz chaqe y ri upixabʼanik lik kojutoʼo (Proverbios 3:5, 6; Isaías 48:17, 18).