Saʼ Rutaqanik ri Dios?

RI BIBLIA KUBʼIʼIJ

«Ri Dios re chilaʼ chikaaj kukoj na jun taqanik ke na kasachisax ta uwach» (Daniel 2:44, Traducción del Nuevo Mundo, 2019).

«Ma xalax jun ralko kʼoʼm chiqaxoʼl, […] yey xyaʼtaj puqʼabʼ Rire kataqanik» (Isaías 9:6, Traducción Bíblica del Idioma Maya Achi AECM).

WE QATZIJ WAʼ, ¿SAʼ UTZ KUKʼAM LO CHE LAA?

• Ri jun gobierno kutoʼ laa pa ri kʼaslemaal laa (Isaías 48:17, 18).

• Xa naqaaj chik kariq laa kiʼkotemal pa jun kʼaakʼ uwachulew pa jinta chi yabʼiil (Apocalipsis 21:3, 4).

¿QATZIIJ NAWI RI KUBʼIʼIJ RI BIBLIA?

Qatziij, chila laa kaʼibʼ kʼutubʼal re:

• Ri Jesús xukʼutu ri kuʼan na Rutaqanik ri Dios. Jesús xubʼiʼij chike ri utijoʼn kakitzʼonoj kakʼun Rutaqanik ri Dios y chuʼana ri rajabʼal ukʼuʼx wara che ruwachulew (Mateo 6:9, 10). Xukʼutu saʼ uʼanik kuʼan na ri Dios ri kakitzʼonoj.

  Echiriʼ xkʼojiʼ wara chwach ulew, ri Jesús xebʼutzuq ri tikaweex, xebʼukunaj ri e yawaaʼ y xebʼukʼastajisaaj ri e kaminaq (Mateo 15:29-38; Juan 11:38-44). Rire xukʼutu ri kuʼan na chiqawach apanoq kuukʼ ri kakikoj tzij echiriʼ kuʼan na taqaneel re Rutaqanik ri Dios (Apocalipsis 11:15).

• Ronoje ri kojtajin che rilik woʼora kukʼutu Rutaqanik ri Dios xa naqaaj chi kʼo wi. Jesús xubʼiʼij kanoq, nabʼe kaqil chʼaʼoj, numik y nimaq taq kabʼraqan. Tekʼuchiriʼ Rutaqanik ri Dios kukʼam lo utzil chomal che ronoje ri Uwachulew (Mateo 24:3, 7).

  Woʼora kojtajin che rilik ri xubʼiʼij. Ruma laʼ, lik kaqakojo ke Rutaqanik ri Dios xa naqaaj chik kuyijbʼa ronoje ri kʼaxkʼoliil.