¿Saʼ uʼanik xjeqer loq ri kʼaslemaal ojeer?

Jehová xuya chike ri Adán y Eva ronoje ri utz (Génesis 1:28)

Jehová xuʼan ri Eva, ri nabʼe ixoq, y xuya che ri Adán re kuʼan rixoqiil che (Marcos 10:6, 7).

Jehová xuʼan ri Adán y Eva jinta kimaak pa ri kinaʼooj y pa ri kitijiil o kichʼakuul.

Xekʼojiʼ chwach jun chomalaj uwachulew ubʼi Edén, pa kʼo wi raqanaaʼ, cheeʼ y chikop.

Jehová xchʼaw kuukʼ y xukʼut chike. We kakaj kekʼojiʼ chwach jun chomalaj uwachulew ruukʼ jun kikʼaslemaal jinta ukʼisik, rajawaxik kakita ri Dios.

Ri Dios xubʼij chike na kakitij taj uwach jun cheeʼ (Génesis 2:16, 17)

Jehová xubʼij chike ri Adán y Eva kakitij taj ri uwach jun cheeʼ ri kʼo chilaʼ. We xkitij ri uwach ri cheeʼ kekamik.

Jun ángel xraj taj xterej chiriij ri Dios. Ri itzel ángel are Satanás.

Satanás xraj taj kakikoj utziij ri Jehová. Ruma laʼ xuchapebʼeej jun kumatz re xubʼij che Eva na kakam taj we kutij ri uwach ri cheeʼ. Xubʼij che kuʼan pachaʼ ri Dios. ¡Ri xubʼij che na qatziij taj! (Génesis 3:1-5; 1 Timoteo 2:14.)