KʼUTUBʼAL 4

¿Saʼ xkiriqo ruma xkita utziij ri Satanás?

Adán y Eva xkita ta utziij ri Dios y xekamik (Génesis 3:6, 23)

Eva xutij ri uwach ri cheeʼ, tekʼuriʼ xuya che ri Adán

Eva xuʼan ri xubʼij ri kumatz che y ruma laʼ xutij ruwach ri cheeʼ. Tekʼuriʼ xuya che ri Adán y xutijo.

Adán y Eva katajin bʼi kelik pa ri Chomalaj Uwachulew

Ri xkiʼano na utz taj, xkiʼan jun maak. Ruma laʼ ri Dios xeresaj bʼi chwach ri jun chomalaj uwachulew.

Adán y Eva xebʼuʼan nimaq winaq y xekamik

Ri kikʼaslemaal ri ke y ri kalkʼoʼaal xuʼan kʼax. Ruma laʼ xebʼuʼan nimaq winaq y xekamik. Na xebʼek ta chikaaj, xa xsach kiwach.

Ri kaminaq jinta chi kakiʼano, kebʼuʼan uleew (Génesis 3:19)

Winaq re jujun taq tinamit y jujun taq junaabʼ

Qonoje oj ralkʼoʼaal ri Adán y Eva. Ruma laʼ kojkamik. Ri e kaminaq na ketzun ta chik, ketan ta chik y jinta chi kakiʼano (Eclesiastés 9:5, 10).

Jehová na karaj taj ri winaq kekamik. Ruma laʼ ri re kebʼuwalisaj loq ri kaminaq. We kakita utziij, na kekam ta chik y kakʼojiʼ jun kikʼaslemaal jinta ukʼisik.