KʼUTUBʼAL 8

¿Suʼchak xkam ri Jesús?

Ruukʼ ukamik ri Jesús kaqariq ri qakʼaslemaal jinta ukʼisik (Juan 3:16)

Jujun ixoqiibʼ kakil ri jul jinta chik ri Jesús chupa

Oxibʼ qʼiij che rukamik ri Jesús, jujun ixoqiibʼ xeʼkilaʼ y na jinta chi chupa ri jul. Ri Jehová xuwalisaj bʼi chikixol ri kaminaq.

Jesús xukʼut ribʼ chikiwach ri u apóstoles, tekʼuriʼ xaqʼan pa kaaj

Tekʼuriʼ ri Jesús xukʼut riibʼ chikiwach ri uʼapóstoles.

Jehová xuwalisaj loq xuya jun ukʼaslemaal pachaʼ ke ri ángeles. Jesús xaqʼan chikaaj y ri utijoxelaabʼ xkilo. Woʼora are uxlabʼixeel o tewal chikaaj y na kakam ta chik.

Dios xuwalisaj lo ri Jesús y xuʼan taqaneel che ri Utaqanik (Apocalipsis [Revelación] 11:15)

Chilaʼ pa kaaj ri Jesus kataqan loq pakiwiʼ ri winaq e kʼo chwach ri chomalaj uwachulew pa ri Uleew

Jesús xuya ri ukʼaslemaal re xeresaj ri winaq chupa ri maak y ri kamik (Mateo 20:28). Ruma laʼ kaqariq jun qakʼaslemaal jinta ukʼisik.

Jehová xuchaʼ ri Jesús kuʼan taqaneel che puwiʼ ri Uwachulew. Ruukʼ ri re kekʼojiʼ 144.000 winaq, ri kekʼastaj bʼi chwach ri Uleew, re kebʼek chikaaj. Are ri Taqanik o Qʼatbʼal Tziij lik utz re ri Dios (Apocalipsis [Revelación] 14:1-3).

Ri Taqanik re ri Dios kuʼan choom che ronoje ri Uwachulew. Jinta chi chʼaʼooj, kamisaneel, nibʼaʼiil y numik. Ri winaq lik kakiriq kiʼkotemal (2 Pedro 3:13).