¿Saʼ (wach) kukʼutu ri Biblia puwiʼ ri kukʼulumaj ri religión?

1. ¿Utz ronoje ri taq religión?

Pa ronoje ri taq religión e kʼo winaq kiʼanom chʼutin che kibʼ. Are jun utzilaj tzij retamaxik ri Dios keraj y kebʼuchajij. Pero e kʼo jujun kiʼanom ri utz taj, kakichapabʼeej ri religión re kakiʼan kʼiyal kʼaxkʼoliil (2 Corintios 4:3, 4; 11:13-15). Qatom e kʼo jujun taq religión kakiʼan chʼaʼoj y kakikamisaj winaq re jujun chik tinamit y kemakun kuukʼ ri akʼalabʼ. Ruma laʼ ri winaq utz kikʼuʼx kebʼisonik. Chawilaʼ Mateo 24:3-5, 11, 12.

Ri religión kukʼut ri qatzij kuyak uqʼij ri Jehová; ri religión na petinaq ta ruukʼ ri Dios kukʼaq bʼi uqʼij. Kukʼut taj ri qatzij puwiʼ ri Dios, pa e kʼo wi ri e kaminaq, y kakikʼutu ri naʼoj jinta pa ri Biblia. Pero ri Jehová karaj ri winaq kaketamaj ri qatzij puwiʼ rire. Chawilaʼ Romanos 6:23 y 1 Timoteo 2:3-5.

2. ¿Saʼ (wach) kukʼutu ri Biblia puwiʼ ri kukʼulumaj ri religión?

Dios na kuyaʼ ta ribʼ kasokotajik (katʼoroxik) ruma ri winaq re ri religión kakibʼij kʼaxkakinaʼo, pero kʼaxkakinaʼo ri uwachulew re ri Satanás (Santiago 4:4). Ri Biblia kubʼij ri ubʼi ri taq religión na petinaq ta ruukʼ ri Dios are Nimalaj Babilonia. Are jun bʼiʼaj re jun tinamit ojer, che ri qʼij re ri Noé. Pa ri qʼij ikʼawnaq chik ri Nimalaj Jabʼ jeqow re ri religión kukʼut taj ri qatzij. Xa naqaj chik, ri Dios kusachisaj kiwach ri taq religión ri kakikʼut taj ri qatzij y kakiʼan kʼax chike ri winaq. Chawilaʼ Apocalipsis 17:1, 2, 5, 16, 17 y 18:8.

Ri Jehová retaʼam ri winaq utz kikʼuʼx e kʼo pa ri taq religión kakikʼut taj ri qatzij y katajin che umolik kichiʼ. ¿Saʼ (wach) uʼanik? Kukʼut ri qatzij chike. Chawilaʼ Juan 6:45.

3. ¿Saʼ (wach) rajawaxik kakiʼan ri winaq ri utz kanimaʼ?

Jehová keraj ri winaq kʼaxkakinaʼo ri qatzij y kakaj kakiʼan ri utz. Ruma laʼ kubʼij chike kebʼel bʼi chupa ri religión kakikʼut taj ri qatzij. We kʼaxkakinaʼo kakijalkʼatij ri kiʼanon re kakiʼan urayibʼal rire. Chawilaʼ Revelación 18:4.

Pa ri qʼij re ri apóstoles, kʼiyal winaq utz kikʼuʼx xkitaʼ ruukʼ ronoje kanimaʼ ri utzilaj tzij. Jehová xukʼut chike ri winaq jun kʼakʼ kʼaslemaal nojinaq che kiʼkotemal y kukubʼa kikʼuʼx. Pachaʼ rike, rajawaxik ri yoj kaqataʼ ri utzilaj taq tzij re ri Biblia re kaqayaʼ nabʼe ri Jehová pa qakʼaslemaal. Chawilaʼ 1 Tesalonicenses 1:8, 9 y 2:13.

Jehová kebʼukʼamo ruukʼ ronoje ukʼuʼx ri kakiyaʼ kanoq ri religión kakikʼut taj ri qatzij y kʼaxkakinaʼo ri religión kukʼut ri qatzij petinaq ruukʼ ri Dios. Konoje rike, e rachbʼil ri Jehová, kʼo ri kʼaxnabʼal kʼuʼx chikixol y koyeʼem jun kʼaslemaal jinta ukʼisik. ¿Kawaj akʼaslemaal jinta ukʼisik? Chawilaʼ Marcos 10:29, 30 y 2 Corintios 6:17, 18.

4. ¿Saʼ (wach) kuʼan ri Dios re kakʼojiʼ kiʼkotemal che ronoje ri Uwachulew?

Ri Jehová kusachisaj uwach ri religión kakikʼut ri qatzij taj, y kukʼam loq kiʼkotemal che ri Uwachulew. Ruma laʼ ri religión na petinaq ta ruukʼ ri Dios kakitʼor ta chik ri winaq y kujach ta chik kipa. Konoje ri winaq kakiyak uqʼij ri Dios. ¿Na e ta ne riʼ jun utzilaj tzij? Chawilaʼ Apocalipsis 18:20, 21 y 21:3, 4.