¿Saʼ, o wach, ri Utaqanik ri Dios?

RI KUBʼIJ RI BIBLIA

«Ri Dios re chilaʼ chikaaj kukoj na jun taqaneel na kasach ta uwach.» (Daniel 2:44, Traducción del Nuevo Mundo.)

«Rire lik nim uqʼij y kabʼiʼx che e Ukʼajol ri Jun kataqan chwi ronoje. [...] Rutaqanik na jinta utaqexik.» (Lucas 1:32, 33, El Nuevo Testamento en Rabinal Achí.)

SAʼ UʼANIK KOJUTOʼO KAQETAMAJ

• Are jun taqaneel jusuukʼ re kojutoʼo chi qajujunal (Isaías 48:17, 18).

• Kuya jun qakʼaslemaal ruukʼ kiʼkotemal pa ri jun kʼaakʼ Uwachulew (Apocalipsis [Revelación] 21:3, 4).

¿UTZ KAQAKOJO RI KUBʼIJ RI BIBLIA?

Utz. Qilaʼ kebʼ kʼutubʼal:

• Jesús xukʼutu ri kuʼan na ri Utaqanik ri Dios. Xukʼut chike ri utijoxelaabʼ kakitzʼonoj pa ri chʼabʼal kape ri Utaqanik ri Dios y chuʼana ri karaj ri re wara chwach Uleew (Mateo 6:9, 10). Xukʼutu saʼ uʼanik kuʼan na ri kaqatzʼonoj pa ri chʼabʼal.

  Jesús xkʼojiʼ wara chwach Uleew, xebʼutzuq winaq, xebʼukunaj yawaaʼ y xebʼuyak kaminaq (Mateo 15:29-38; Juan 11:38-44). Ri re Taqaneel re Utaqanik ri Dios, ruma laʼ xukʼutu ronoje ri utz kuʼan kuma ri kakikʼoj tziij (Revelación 11:15).

• Ri kojtijin che urilik woʼora kukʼutu ri Utaqaneel ri Dios xa naqaj chik kʼo wi. Ri Utaqaneel ri Dios kukʼam lo ri utziil chomaal, pero Jesús xubʼij nabʼe kaqilo ri Uwachulew nojinaq che chʼaʼooj, numik y kabʼraqan (Mateo 24:3, 7).

  Pa ri qʼiij oj kʼo wi kojtijin che urilik wa, ruma laʼ kaqakojo ri Utaqaneel ri Dios xa naqaj chik kuyijbʼa ronoje ri kʼax.