La
Kɛ ha la nɔ hyɛlɔ ɔ. La nɛ David po.
21 Oo Yehowa, o he wami ɔ mi matsɛ ɔ nyaa ngɛ;
Hyɛ bɔ nɛ e nyaa wawɛɛ ngɛ yi wami hemi ní nɛ o pee ɔmɛ a he ha!
2 O ha lɛ nɔ́ nɛ e tsui suɔ,
Nɛ nɔ́ nɛ e kɛ e nya bi ɔ, o ha lɛ. (Sela)
3 Ejakaa o jɔɔ lɛ babauu;
O bu lɛ jlasi nɛ a kɛ sika tsu ngmingmiingmi* pee.
4 E bi mo wami, nɛ o ha lɛ,
O ha lɛ wami se kɛmi,* wami nɛ ngɛ kɛ yaa neneene.
5 Yi wami hemi níhi nɛ o peeɔ ɔ woɔ e hɛ mi nyami wawɛɛ.
O wo e hɛ mi nyami, nɛ o ha nɛ e je agbo.
6 O jɔɔ lɛ kɛ yaa neneene;
O haa nɛ e bua jɔɔ ejakaa o ngɛ e kasa nya.
7 Ejakaa matsɛ ɔ ngɔɔ e hɛ kɛ fɔɔ Yehowa nɔ;
Nɔ Nɛ E Nɔ Kuɔ Pe Kulaa a suɔmi nɛ se pui ɔ he je ɔ, e be mimiɛe* gblegbleegble.
8 O nine maa su o he nyɛli ɔmɛ tsuo a nɔ;
O hiɔ nine maa su nihi nɛ a nyɛɔ mo ɔ a nɔ.
9 Ke o je o hɛ kɛ pi mɛ ngɛ be nɛ o to ɔ mi ɔ, o ma kpata a hɛ mi kaa nɔ́ nɛ a sake mɛ ngɔ wo flɔɔnɔɔ kɛ e mi la mi.
Yehowa ma kpata a hɛ mi ngɛ e we abofu ɔ mi, nɛ la maa sã mɛ.
10 O ma kpata a sisi bimɛ a* hɛ mi ngɛ zugba a nɔ,
O ma kpata a nina hɛ mi ngɛ nimli a bimɛ a kpɛti.
11 Ejakaa a to kaa a maa pee nɔ́ yayami kɛ si mo;
A tsɔ gahi se e be manye yee.
13 Oo Yehowa, tee si ngɛ o he wami ɔ mi.
Wa ma la yi jemi lahi* ngɛ o he wami ɔ he je.