Sɛ Gbi Nɛ Ngɛ Baiblo ɔ Mi

Maa pee 4026 L.F.K.

“Sinɔ ɔ” tsɔɔ kaa pi Yehowa nɛ e sa kaa e ye adesahi a nɔ, nɛ e nɔ yemi ɔ hu hí. Yehowa wo si kaa “nina” ko maa ba nɛ e ma ba fia sinɔ ɔ, nɛ ji Satan ɔ yi nɔ. (1 Mose 3:1-5, 15) Se Yehowa ngmɛ blɔ konɛ adesahi nɛ ye mɛ nitsɛmɛ a nɔ ngɛ sinɔ ɔ blɔ tsɔɔmi sisi.

1943 L.F.K.

Yehowa de Abraham kaa “nina” a maa je e weku ɔ mi.​—​1 Mose 22:18.

Maa pee 1070 L.F.K.

Yehowa ma nɔ mi kɛ ha Matsɛ David kɛ e bi Salomo kaa “nina” nɛ a wo e he si ɔ maa je a weku ɔ mi.​—​2 Samuel 7:12, 16; 1 Matsɛmɛ 9:3-5; Yesaya 9:6, 7.

Jeha 29

Yehowa tsɔɔ kaa Yesu ji “nina” nɛ e wo si kaa e ma ba ye David se ɔ nɛ.​—​Galatia Bi 3:16; Luka 1:31-33; 3:21, 22.

Jeha 33

Sinɔ ɔ, nɛ ji Satan ɔ ha nɛ a gbe Yesu, nɛ ji “nina” nɛ a wo e he si ɔ kɛ tsɔɔ kaa e kɔ e nane se ja. Yehowa tle Yesu si kɛ ho hiɔwe ya, nɛ e kplɛɛ afɔle nɛ Yesu kɛ e wami nɛ ye mluku ɔ sã a nɔ. Yehowa ma nyɛ maa da Yesu afɔle sami ɔ nɔ kɛ ngɔ Adam bimɛ a yayamihi kɛ pa mɛ konɛ a ná neneene wami.​—​1 Mose 3:15; Bɔfo Ɔmɛ A Ní Tsumi 2:32-36; 1 Korinto Bi 15:21, 22.

Maa pee jeha 1914 ɔ mi

Yesu sake sinɔ ɔ nɛ ji Satan ba fɔ zugba a nɔ. E maa hi zugba a nɔ be bɔɔ ko pɛ.​—​Kpojemi 12:7-9, 12.

Hwɔɔ se

Yesu maa wo Satan tsu jeha 1,000. Lɔ ɔ se ɔ, e maa fia Satan yi nɔ. Enɛ ɔ tsɔɔ kaa e ma kpata Satan hɛ mi kulaa. Yi mi nɛ Yehowa to ngɛ zugba a kɛ adesahi a he ɔ maa ba mi. A ma tsɔ Yehowa biɛ ɔ he, nɛ a maa wo lɛ nguɔ kaa lɛ nɛ e sa kaa e ye adesahi a nɔ.​—​Kpojemi 20:1-3, 10; 21:3, 4.