Yehowa ha wɔ Kpɔlɔ

29 Kekle mumi mi nɔ nɛ Mawu bɔ ɔ ngɛ kaa bi tɛte kɛ ha lɛ.

Mawu suɔ lɛ saminya nɛ e maa gu e nɔ kɛ kpata yayami peeli a hɛ mi, nɛ e ma he nihi nɛ a peeɔ tue bumi ɔ yi wami.—Yohane 3:16, 36

30 Yehowa tsɔ e Bi ɔ nɛ a fɔ lɛ ngɛ zugba a nɔ. A wo lɛ biɛ ke Yesu. E nyɛ ɔ biɛ ji Maria.—Luka 1:30-35

31 Benɛ Yesu wa a, e tsɔɔ ní kpakpahi fuu. E tsɔɔ kaa Yehowa pɛ ji anɔkuale Mawu.—Marko 12:29, 30

Yesu de ke e sa nɛ wa ja Yehowa pɛ.—Mateo 4:10; Yohane 4:23, 24

E tsɔɔ nihi Yehowa matsɛ yemi ɔ hu he ní.—Luka 17:20, 21

32 Yesu tsa hiɔtsɛmɛ nɛ e pee ní kpakpahi fuu. E pee we nɔ́ yayami ko.—Bɔfo 10:38; 1 Petro 2:21, 22

Se kɛ e maa pee kɛɛ konɛ e kpɔ wɔ kɛ je yayami kɛ gbenɔ dɛ mi?

33 E sa nɛ e sã afɔle kɛ ha Mawu nɛ e kɛ kpɔ nimli kpakpahi. Blema a, Mawu de nihi ke a ngɔ lohwehi kɛ sã afɔle ngɛ a yayami ɔmɛ a he.—Hebribi 7:25, 27

34 Pi lohwehi nɛ Yesu ngɔ kɛ sã afɔle ɔ. E ngɔ lɛ nitsɛ e he kɛ sã afɔle ngɛ wa he.—Mateo 20:28; Hebribi 10:12

O le nɔ́ heje lo?