Bɔ nɛ a he wa yi wami kɛ je yayami kɛ gbenɔ dɛ mi

35 Anɛ o kai kaa kekle nɔmlɔ, nɛ ji Adam, pee yayami lo? Neneene wami kɛ paradeiso ɔ je e dɛ, nɛ akɛnɛ e nina ji wɔ heje ɔ wɔ hu wa gboɔ.—Romabi 5:12; 3:23

36 Wa ma nyɛ ma na wami nɛ ye mluku ekohu, ke nɔ ko nɛ ye mluku ngɔ e wami kɛ fɔ si ha wɔ, aloo e kpɔ wɔ kɛ je gbenɔ dɛ mi.—1 Korintobi 15:45; Romabi 5:19, 21

37 Mawu Bi ji Yesu. E ye mluku. E pee we yayami.—Hebribi 5:9; 7:26

38 E ngmɛ blɔ nɛ nihi nɛ a sume Mawu gbe lɛ.—Bɔfo 2:23

Enɛ ɔ ji afɔle nɛ e kɛ e he sã ngɛ wa he.—1 Timoteo 2:6

39 A pu Yesu ngɛ yɔkɔ nɛ a kpɛ́ ngɛ tɛ ko mi ɔ mi. E ye ligbi etɛ ngɛ gbeje. Kɛkɛ nɛ Mawu tle lɛ si.—Bɔfo 2:24

40 E kpale kɛ ho hiɔwe ya. Amlɔ nɛ ɔ, e ma nyɛ ma bi Mawu nɛ ye kɛ bua nihi nɛ a peeɔ tue bumi ɔ.—Hebribi 9:24; 1 Yohane 2:1, 2