Bɔ Nɛ O Kɛ Womi Wayoo Nɛ ɔ Ma Tsu Ní Ha

Ngɛ ba fahi nɛ nyɛɛ se ɔ mi ɔ, o maa na Baiblo ngmamihi kɛ ha ligbi fɛɛ ligbi, kɛ a mi tsɔɔmihi. E ngɛ mi kaa wa ma nyɛ maa kane ngmami ɔ kɛ e mi tsɔɔmi ɔ be saisaa mohu lɛɛ, se nihi fuu na kaa ke a pee jã mɔtu ɔ, e yeɔ bua mɛ wawɛɛ. Lɔ ɔ haa nɛ a nyɛɔ susuɔ ngmami ɔ mi munyu ɔmɛ a he ligbi ɔ tsuo. Ke weku mi bimɛ tsuo blaa kɛ susuɔ ngmami ɔ he ɔ, e yeɔ buaa mɛ wawɛɛ nitsɛ. Betel weku ɔ mi bimɛ nɛ a ngɛ je kɛ wɛ ɔ peeɔ jã ke a ngɛ mɔtu ní yee.

A je munyu ɔmɛ kɛ je Hwɔɔmi Mɔ (w) ɔmɛ nɛ a je kpo ngɛ April 2023 kɛ ya si March 2024 ɔ mi. Yibɔhi nɛ nyɛɛ be nɛ a pee Hwɔɔmi Mɔ ɔ se ɔ, tsɔɔ ba fa kɛ kukuhi nɛ munyu ɔ je kpo ngɛ. (Hyɛ nɔ hyɛmi nɔ́ nɛ ngɛ sisi ɔ.) Ke o ngɛ hlae maa le níhi fuu ngɛ munyu nɛ a ngɛ he susue ɔ he ɔ, o ma nyɛ maa kane Hwɔɔmi Mɔ ɔ nɛ a je munyu ɔ kɛ je mi ɔ.