Blɔ Nya Tomi Kɛ Ha October 12 Otsi ɔ
OTSI NƐ JE SISI OCTOBER 12
La 110
□ Asafo Baiblo Mi Nikasemi:
□ Teokrase Sɔmɔmi Sukuu:
Baiblo kanemi: 5 Mose 4-6
No. 1: 5 Mose 4:15-28
No. 2: Blɔ Nɔ Nɛ Wa Maa Gu Kɛ Kai Yehowa Kɛ E Bi ɔ (lr-E yi 37)
No. 3: Mɛni Be A Ma Nyɛ Ma De Ke Ní Bɔbɔyoo Hi Pe Ní Babauu? (Abɛ 15:16)
□ Sɔmɔmi Kpe:
La 13
Hɛngm. 5: Adafi Fiami.
Hɛngm. 10: We Mi Baiblo Mi Nikasemi Peemi. Munyu nɛ a maa da Organized womi ɔ, bafa 98, kuku 1 kɛ ya si bafa 99, kuku 1 nɔ kɛ tu. Mo bi fiɛɛli nɛ a tsɔɔ bua jɔmi nɛ a ná benɛ a ye bua nɔ ko nɛ e ba le anɔkuale ɔ munyu.
Hɛngm. 10: Womi Nɛ A Kɛ Ma Ha Ngɛ October Nyɔhiɔ ɔ Mi. Ha nɛ a pee nɔ hyɛmi nɔ́ enyɔ kɛ tsɔɔ. Ngɛ nɔ hyɛmi nɔ́ ɔ kake mi ɔ, fiɛɛlɔ ɔ nɛ e si sane bimi ko ha wetsɛ ɔ kaa e ma ya ha lɛ heto ke e kpale ya slaa lɛ. Nɔ hyɛmi nɔ́ kake nɛ tsɔɔ bɔnɛ a kɛ nɔ ko maa je Baiblo mi nikasemi sisi ke a ya e ngɔ kekleekle ligbi. Ke a gbe nɔ hyɛmi nɔ́ ɔ eko tsuaa eko nya a, o ma nyɛ ma bi tue buli nɛ a tsɔɔ nɔ́ nɛ a kase kɛ je mi kpiti.
Hɛngm. 10: “Anɛ O Dla O He Kɛ To Tlukaa Odase Yemi Lo?” Sane bimi kɛ heto hami.
La 48