Sane Bimi He

◼ Mɛnɔ nítsumi ji Matsɛ Yemi Asa a nɔ dlami?

Matsɛ Yemi Asa a nɔ dlami ji wa sɔmɔmi klɔuu ɔ fã ko nɛ he hia wawɛɛ. Organized womi ɔ bafa 121 de ke: “E sa kaa asafo mi bi ɔmɛ nɛ bu sika nɛ a ma ha kɛ fi Matsɛ Yemi Asa a dlami se, kɛ a he wami nɛ a kɛ ma tsu ní kɛ pee lɛ falifali ɔ kaa e ji he blɔ nɛ a ná. E sa nɛ Matsɛ Yemi Asa a mi kɛ e he tsuo nɛ pee nɔ́ nɛ ma ha nɛ a tu Yehowa asafo ɔ he munyu kpakpa.” Akɛnɛ a peeɔ nikasemi si abɔ ngɛ Matsɛ Yemi Asa a nɔ daa otsi heje ɔ, e he hia kaa waa pee lejɛ ɔ falifali be tsuaa be. (2 Kron. 34:10) E sa nɛ a ngɔ kuu nɛ ma dla Matsɛ Yemi Asa a nɔ kɛ bɔnɛ e sa kaa a dla lɛ ha a he blɔ nya tomi kɛ mɛtɛ adafi fiami mɛtɛmi he ɔ. E sa kaa daa otsi ɔ, fiɛɛmi yami kuu kake nɛ dla asa a nɔ. Ke asafohi nɛ hiɛ pe kake peeɔ nikasemi ngɛ Matsɛ Yemi Asa a nɔ ɔ, e sa nɛ asafo mi nikɔtɔma amɛ nɛ pee kake kɛ hyɛ konɛ daa otsi ɔ asafo ɔmɛ nɛ dla Matsɛ Yemi Asa a nɔ nɛ e tsɔ nyaii. Nyɛ ha nɛ wɔ tsuo waa ngɔ bua jɔmi kɛ tsu ní kɛ pee Yehowa jami he ɔ falifali.—1 Pet. 1:16.