Blɔ Nya Tomi Kɛ Ha October 26 Otsi ɔ

OTSI NƐ JE SISI OCTOBER 26

La 200

□ Asafo Baiblo Mi Nikasemi:

lv mitsɔɔmi munyuhi, munyuyi nɛ ngɛ bf. 219 kɛ ya si bf. 221

□ Teokrase Sɔmɔmi Sukuu:

Baiblo kanemi: 5 Mose 11-13

Teokrase Sɔmɔmi Sukuu ɔ Mi Nylɔmi

□ Sɔmɔmi Kpe:

La 67

Hɛngm. 5: Adafi Fiami.

Hɛngm. 10: Dla O He Nɛ O Ngɔ Watchtower Kɛ Awake! Womi Tɛtlɛɛ Ɔmɛ Kɛ Ha. Moo tu womi ɔmɛ a he munyu kpiti, nɛ o tsɔɔ munyuhi nɛ nihi a bua maa jɔ he ngɛ zugba kpɔ ɔ mi. Ha nɛ fɔlɔ ko kɛ e bi nɛ a pee nɔ hyɛmi nɔ́ kɛ tsɔɔ bɔnɛ fɔlɔ maa ye bua e bi kɛ dla e he kɛ ha fiɛɛmi yami. Fɔlɔ ɔ kɛ e bi ɔ hla womi tɛtlɛɛ ɔ eko mi munyu, sane nɛ a ma bi, kɛ ngmami nɛ a maa kane. Lɔɔ se ɔ, jokuɛ ɔ pee nɔ hyɛmi nɔ́ kɛ tsɔɔ, nɛ e wo nɔ́ ko nɛ a ma nyɛ ma ha kɛ fi nítsumi ɔ se ɔ nɔ ta.

Hɛngm. 10: Mɛni Tutuutu Ji Baiblo ɔ Tsɔɔmi? Tue buli kɛ ní sɛɛmi. Mo bi tue buli nɛ a tsɔɔ womi ɔ mi yihi nɛ a nyɛ kɛ tsu ní saminya ngɛ zugba kpɔ ɔ mi. Mɛni sane bimi, foni, loo ngmami a kɛ tsu ní kɛ je womi ɔ mi ní sɛɛmi sisi? Ha nɛ a pee nɔ hyɛmi nɔ́ kake kɛ tsɔɔ.

Hɛngm. 10: Sane Bimi He. Tue buli kɛ ní sɛɛmi. Nyɛɛ kane ngmami ɔmɛ nɛ nyɛ susu a he.

La 70