Blɔ Nya Tomi Kɛ Ha December 21 Otsi ɔ

OTSI NƐ JE SISI DECEMBER 21

La 73

□ Asafo Baiblo Mi Nikasemi:

lv yi 14 kk. 10-14, daka nɛ ngɛ bf. 164-165, mitsɔɔmi munyuhi nɛ ngɛ bf. 222-223

□ Teokrase Sɔmɔmi Sukuu:

Baiblo kanemi: Yoshua 9-11

No. 1: Yoshua 9:1-15

No. 2: Bɔnɛ Wa Ma Plɛ Kɛ Na Kaa Harmagedon Su Si Ta (lr-E yi 47)

No. 3: Mawu Tue Mi Jɔmi Je He ɔ—O Ma Nyɛ Maa Hi Lejɛ ɔ (lr-E yi 48)

□ Sɔmɔmi Kpe:

La 4

Hɛngm. 5: Adafi Fiami.

Hɛngm. 15: Dla O He Nɛ O Ngɔ Watchtower Kɛ Awake! Kɛ Ha. Ha nɛ a pee nɔ hyɛmi nɔ́ nɛ tsɔɔ kuu nɔ hyɛlɔ ko nɛ ngɛ fiɛɛlɔ wayoo ko tsɔɔe blɔ nɔ nɛ lɛ kuu nɔ hyɛlɔ ɔ maa gu kɛ ngɔ womi ɔ kɛ ha, nɔ́ heje nɛ e hla jamɛ a munyu ɔ, sane nɛ e ma bi, kɛ ngmami nɛ e maa kane. Fiɛɛlɔ wayoo ɔ de kaa e le blɔ ko nɔ nɛ e maa gu kɛ pee e nɔ́ ɔ, se e suɔ nɛ a ye bua lɛ nɛ e dla he. A da womi ɔ mi munyu nɛ e suɔ kaa e ma kɛ tsu ní ɔ nɔ kɛ hla sane bimi kɛ ngmami nɛ e maa kane.

Hɛngm. 15: “‘Ngɔɔ O Wami Kɛ Fɔ Si’ Ha O Nikaseli Ɔmɛ.” Sane bimi kɛ heto hami. Ke nyɛ susu kuku 2 he ta a, bi fiɛɛlɔ ko munyu nɛ e tsɔɔ níhi nɛ e peeɔ kɛ tsɔɔ kaa e susuɔ e nikaseli ɔmɛ a he. Mɛni je mi kɛ ba? Lɔɔ se ɔ, bi fiɛɛlɔ nɛ ná nɔ he susumi nɛ nɔ nɛ kɛ lɛ kase ní ɔ je kpo kɛ tsɔɔ lɛ ɔ he se munyu.

La 66