Blɔ Nya Tomi Kɛ Ha June 3 Otsi ɔ
OTSI NƐ JE SISI JUNE 3
La 38 Kɛ Sɔlemi
□ Asafo Baiblo Mi Nikasemi:
bh yi 12 kk. 14-22 (Hɛngm. 30)
□ Teokrase Sɔmɔmi Sukuu:
Baiblo kanemi: Yohane 17-21 (Hɛngm. 10)
No. 1: Yohane 21:15-25 (Hɛngm. 4 loo nɔ́ nɛ sui jã)
No. 2: Mɛni Heje Nɛ E Sɛ Nɛ Waa “Nyɛɛ Nihi Fuu A Se” ɔ?—2 Mose 23:2; Abɛ 1:10 (Hɛngm. 5)
No. 3: Ngɛ Nihi Nɛ A Pɔ Mɛ Nu ɔ A Se ɔ, Mɛnɔmɛ Hu Nɛ A Ma Ná Yesu Afɔle Sami ɔ He Se?—rs-E bf. 309 kk. 1-3; +cl-E bf. 146 kk. 19 (Hɛngm. 5)
□ Sɔmɔmi Kpe:
Hɛngm. 10: Blɔhi A Nɔ Nɛ Wa Maa Gu Kɛ Ha Womi Tɛtlɛɛ Ɔmɛ Ngɛ June Mi. Ní sɛɛmi. O kɛ tsuifia 30 loo hɛngmɛfia kake nɛ tsɔɔ womi tɛtlɛɛ ɔmɛ a mi munyuhi nɛ nihi nɛ a ngɛ nyɛ zugba kpɔ ɔ mi ɔ a bua maa jɔ he. Lɔɔ se ɔ, moo da munyuhi nɛ a ngma ngɛ Hwɔɔmi Mɔ ɔ mi nɛ kɔɔ munyu nɛ a ngma ngɛ e hɛ mi ɔ he ɔ nɔ kɛ bi tue buli nɛ a tsɔɔ sane bimihi kɛ ngmamihi nɛ a ma kɛ tsu ní loko a kɛ ma ha. Moo pee jã nɔuu ngɛ Awake! ɔ blɔ fa mi, nɛ ke be ngɛ ɔ, o ha nɛ a tsɔɔ sane bimi kɛ ngmami nɛ a maa kane ngɛ munyu kpa nɛ ngɛ Awake! ɔ loo Hwɔɔmi Mɔ ɔ mi ɔ he. Ha nɛ a pee bɔnɛ a kɛ womi tɛtlɛɛ ɔ eko tsuaa eko ma ha ha a he peemi kɛ tsɔɔ.
Hɛngm. 10: Nɔ́ Heje Nɛ Wa Buɔ Wa Fiɛɛmi Nítsumi ɔ He Akotaa. Munyu tumi nɛ a kɛ da Organized womi ɔ bafa 88, kuku 1, kɛ ya si bafa 90, kuku 1 ɔ nɔ nɛ́ asafo mi womi ngmalɔ ɔ ma tsu he ní.
Hɛngm. 10: Asafo ɔ mi hiami níhi.
La 27 Kɛ Sɔlemi