Anɛ O Ma Nyɛ Maa Fɔ Nɔ Ko Nine Lo?

Ngɛ asafohi fuu a mi ɔ, fiɛɛli komɛ ngɛ nɛ a nyɛ we nɛ a tsuɔ babauu ngɛ fiɛɛmi nítsumi ɔ mi ngɛ hiɔ nɛ hí tsami loo bwɔmi heje. (2 Kor. 4:16) Anɛ o ma nyɛ maa fɔ nɔ ko nɛ ngɛ si fɔfɔɛ nɛ ɔ mi ɔ nine nɛ e piɛɛ o he kɛ ya pee Baiblo mi nikasemi lo? Ke fiɛɛlɔ ko tlɔ tsu mi ɔ, o ma nyɛ nɛ o kɛ o Baiblo nikaselɔ ɔ nɛ ya e we mi konɛ nyɛɛ pee Baiblo mi nikasemi ɔ ngɛ lejɛ ɔ. Anɛ o ma nyɛ maa to blɔ nya konɛ o kɛ fiɛɛlɔ ko nɛ be nɔmlɔtso mi he wami ɔ nɛ ya wehi a mi fiɛɛmi bɔɔ aloo o kɛ lɛ nɛ e ya slaa nɔ kake loo ni enyɔ ko nɛ a ngɛ munyu ɔ he bua jɔmi ɔ lo? Fiɛɛli nɛ a wa ngɛ jeha mi ɔ a kpɛti nihi fuu ngɛ sɔmɔmi nítsumi ɔ mi níhi a si kpami babauu. Enɛ ɔ he ɔ, pi he wami pɛ nɛ o mɔde bɔmi ɔ maa wo mɛ. Mo hu o ma ná he se. (Rom. 1:12) Jehanɛ hu, Yehowa maa jɔɔ mo ngɛ mɔde nɛ o ngɛ bɔe kaa o ma je suɔmi kpo ngɛ blɔ nɛ ɔ nɔ ɔ he.—Abɛ 19:17; 1 Yoh. 3:17, 18.