Blɔ Nya Tomi Kɛ Ha October 7 Otsi ɔ
OTSI NƐ JE SISI OCTOBER 7
La 47 Kɛ Sɔlemi
□ Asafo Baiblo Mi Nikasemi:
bh yi 19 kk. 1-7 (Hɛngm. 30)
□ Teokrase Sɔmɔmi Sukuu:
Baiblo kanemi: Efesobi 1-6 (Hɛngm. 10)
No. 1: Efesobi 4:1-16 (Hɛngm. 4 loo nɔ́ nɛ sui jã)
No. 2: Nɔ́ Nɛ Mawu Dami ɔ Nɛ A Ma Hla Kekle ɔ Tsɔɔ—Mat. 6:33 (Hɛngm. 5)
No. 3: Anɛ E Ji Anɔkuale Kaa Nɔ́ Kpakpa Ko Ngɛ Jami Tsuo Mi Lo?—rs-E bf. 323 kk. 3-5; +w12-E 5/1 bf. 16 kk. 1 (Hɛngm. 5)
□ Sɔmɔmi Kpe:
Hɛngm. 10: Blɔhi A Nɔ Nɛ Wa Maa Gu Kɛ Ha Womi Tɛtlɛɛ Ɔmɛ Ngɛ October Mi. Ní sɛɛmi. O kɛ tsuifia 30 loo hɛngmɛfia kake nɛ tsɔɔ womi tɛtlɛɛ ɔmɛ a mi munyuhi nɛ nihi nɛ a ngɛ nyɛ zugba kpɔ ɔ mi ɔ a bua maa jɔ he. Lɔɔ se ɔ, moo da munyuhi nɛ a ngma ngɛ Hwɔɔmi Mɔ ɔ mi nɛ kɔɔ munyu nɛ a ngma ngɛ e hɛ mi ɔ he ɔ nɔ kɛ bi tue buli nɛ a tsɔɔ sane bimihi nɛ ma tle nɔ bua jɔmi si nɛ a ma bi. Lɔɔ se ɔ, ha nɛ a tsɔɔ ngmami nɛ a maa kane. Moo pee jã nɔuu ngɛ Awake! ɔ blɔ fa mi, nɛ ke be ngɛ ɔ, o ha nɛ a tsɔɔ sane bimi kɛ ngmami nɛ a maa kane ngɛ munyu kpa nɛ ngɛ Awake! ɔ loo Hwɔɔmi Mɔ ɔ mi ɔ he. Ha nɛ a pee bɔnɛ a kɛ womi tɛtlɛɛ ɔ eko tsuaa eko ma ha ha a he peemi kɛ tsɔɔ.
Hɛngm. 10: Asafo ɔ mi hiami níhi.
Hɛngm. 10: Nihi Nɛ Tsuɔ Ní Wawɛɛ ɔ. (1 Tes. 5:12, 13) Mo bi asafo mi nikɔtɔmahi enyɔ munyu. Mɛni ji níhi nɛ a tsuɔ ngɛ asafo ɔ mi, nɛ mɛni teokrase nítsumi kpahi hu nɛ a tsuɔ? Kɛ a plɛɔ kɛ tsuɔ ní nɛ ɔmɛ tsuo kɛ piɛɛɔ a helo nya nítsumihi kɛ a weku blɔ nya nítsumihi a he ha kɛɛ? Kɛ a plɛ kɛ ngɔ fiɛɛmi nítsumi ɔ kɛ pee nɔ́ nɛ he hia mɛ ngɛ a si himi mi ha kɛɛ? Mɛni blɔ nɔ nɛ a wekuhi fĩ a se ngɛ?
La 42 Kɛ Sɔlemi