Fiɛɛmi Munyuhi

Matsɛ Yemi He Sane Nɛ To Nɔ 38

“Wa ngɛ sɛ gbi nɛ he hia nɛ ɔ gbae ngɛ je kɛ wɛ. O nɔ́ ji nɛ ɔ nɛ.”

Kadi: Bɔnɛ pee nɛ wa tsu zugba kpɔ ɔ tsuo mi ní saminya a, e maa hi wawɛɛ kaa wa maa po munyu ɔ kpiti. Se ngɛ be komɛ a mi ɔ, wetsɛ ko ma ná munyu ɔ he bua jɔmi nɛ eko ɔ, o maa suɔ nɛ o kɛ lɛ nɛ sɛɛ ní. Ke jã a, mo bi lɛ nɛ e tsɔɔ e juɛmi ngɛ sane bimi nɛ ngɛ dɛ womi ɔ hɛ mi ɔ he, nɛ o kane heto nɛ Baiblo ɔ kɛ haa ngɛ he kaa bɔnɛ a ngma ngɛ womi ɔ mi ɔ kɛ ha lɛ, nɛ ke be ngɛ ɔ, o kɛ lɛ nɛ susu dɛ womi ɔ mi munyu ko he. Loko o maa je ɔ, moo ngɔ sane bimi nɛ ngɛ munyuyi nɛ ji, “Mo Susu He Nɛ O Hyɛ” ɔ sisi nɛ ngɛ dɛ womi ɔ se ɔ kɛ tsɔɔ lɛ, nɛ o to blɔ nya nɛ o ya slaa lɛ, konɛ ke o ya a, o kɛ lɛ nɛ susu jamɛ a sane bimi ɔ he.

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ November nyɔhiɔ ɔ mi ɔ nɔ

“I ngaa mo. Nihi fuu nɛ waa kɛ mɛ sɛɛ ní ɔ a hɛ kɛ nɔ fɔmi ji kaa ke a gbo ɔ, a maa ya hiɔwe. Anɛ o bua jɔ hɛ kɛ nɔ fɔmi nɛ ɔ he lo?” [Ngmɛɛ lɛ blɔ nɛ e ha heto.] Moo ngɔ November 1 Hwɔɔmi Mɔ ɔ se kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ konɛ nyɛ susu sane bimi nɛ nyɛɛ se ɔ he.

Hwɔɔmi Mɔ November 1

“Ngɛ o susumi nya a, mɛni ji lakpa nɛ pe kulaa nɛ a de kɛ kɔ Mawu he? [Ngmɛɛ lɛ blɔ nɛ e ha heto.] Baiblo ɔ tsɔɔ kaa Mawu suɔ nɛ nihi nɛ a suɔ lɛ nɛ a ná hɛ kɛ nɔ fɔmi ngɛ e mi. [Kane Yesaya 41:13.] Womi tɛtlɛɛ nɛ ɔ kpa lakpa munyuhi etɛ nɛ nihi tuɔ kɛ kɔɔ Mawu he, nɛ lɔɔ ha nɛ e he wa kɛ ha nihi kaa a maa hɛ mɛ kɛ su Mawu he ɔ he bo.”

Awake! November

“Nihi fuu ngɛ haoe kaa nihi a je mi bami ngɛ puɛe. Anɛ o susu kaa adesahi a je mi bami ngɛ puɛe niinɛ lo? [Ngmɛɛ lɛ blɔ nɛ e ha heto.] Baiblo ɔ tsɔɔ kaa nihi a su kɛ a ní peepee ma tsake. [Kane 2 Timoteo 3:1-5.] Womi tɛtlɛɛ nɛ ɔ tsɔɔ nɔ́ heje nɛ wa ma nyɛ maa ngɔ wa he kɛ fɔ jemi ba he mlaahi nɛ Baiblo ɔ tsɔɔ ɔ nɔ.”