Blɔ Nya Tomi Kɛ Ha August 11 Otsi ɔ
OTSI NƐ JE SISI AUGUST 11
La 38 Kɛ Sɔlemi
Asafo Baiblo Mi Ní Kasemi:
cl-E yi 11 kk. 9-16 (Hɛngm. 30)
Teokrase Sɔmɔmi Sukuu:
Baiblo kanemi: 4 Mose 7-9 (Hɛngm. 10)
No. 1: 4 Mose 9:9-23 (Hɛngm. 4 loo nɔ́ nɛ sui jã)
No. 2: Mɛni He Je Nɛ Yesu Ji Matsɛ Nɛ Sa a?—fg ní kasemi 7 sane bimi 2 (Hɛngm. 5)
No. 3: Mɛni Jami Hɛ Mi Nyɛɛli Tsu Ngɛ Ta He?—ol ní kasemi 6 kk. 7-10 (Hɛngm. 5)
Sɔmɔmi Kpe:
Hɛngm. 5: “1914-2014: Mawu Matsɛ Yemi ɔ Ná Jeha Lafa!” Ní sɛɛmi. Ha nɛ a kane kuku nɛ ngɛ ba fa nɛ ɔ yi nɔ ɔ. Nyɔhiɔ nɛ ɔ mi ɔ, wa ma susu Matsɛ Yemi ɔ he titli ngɛ Sɔmɔmi Kpe ɔ mi. Moo tsɔɔ blɔ nya nɛ nyɛ asafo ɔ to kɛ ha fiɛɛmi yami.
Hɛngm. 10: “Ngɔɔ Dɛ Womi Ehe Nɛ Tu Wa Intanɛti Ní Tsumi He ɔ He Munyu ɔ Kɛ Tsu Ní.” Nyɛɛ sɛɛ níhi nɛ ngɛ dɛ womi ɔ mi ɔ he ní. Ha nɛ a pee peemi kɛ tsɔɔ nɛ kɔɔ fiɛɛlɔ ko nɛ e ngɛ nɔ ko dɛ womi ɔ hae nɛ lɔ ɔ se ɔ, e ngɔ e mobile phone loo dɛ mi kɔmpiuta kɛ ngɛ nɔ ɔ bɔ nɛ e maa pee ha kɛ ya jw.org nɔ ɔ tsɔɔe.
Hɛngm. 15: “Wa He Nɛ Maa Be Ngɛ Fiɛɛmi Ní Tsumi ɔ Mi—Moo Tu Matsɛ Yemi ɔ He Munyu Kɛ Kã.” Ní sɛɛmi. Ha nɛ fiɛɛli enyɔ nɛ a pee si fɔfɔɛ nɛ ɔ he peemi kɛ tsɔɔ: Fiɛɛlɔ ko yaa he nɔ́ ngɛ tsuapo ko mi. Nɔ nɛ daa si ngɛ e kasa nya a hyɛ adafi fiami womi ko mi nɛ e de ke: “Je ɔ puɛ oo! Nihi susu kaa a ma nyɛ maa pee he nɔ́ ko, se níhi ngɛ puɛe mohu.” Fiɛɛlɔ ɔ kɛ e he tu munyu ke: ‘E sa nɛ ma de lɛ nɔ́ ko. E sa nɛ ma de lɛ Matsɛ Yemi ɔ he nɔ́ ko!’ Fiɛɛlɔ ɔ de nɔ ɔ ke: “I le kaa ní yayahi sɔuu nɛ ngɛ nɔ yae. Se i suɔ nɛ ma ha mo dɛ womi nɛ ɔ. Intanɛti ní tsumi he nɛ dɛ womi ɔ tu he munyu ɔ ye bua mi nɛ i ná si himi ɔ mi sane bimihi nɛ a he hia amɛ a heto.” Fiɛɛlɔ ɔ tu dɛ womi ɔ mi oti kake he munyu, nɛ nɔ ɔ bua jɔ he.
La 47 Kɛ Sɔlemi