Sane Bimi He

◼ Mɛni be nɛ e maa hi kaa waa kɛ Baiblo mi ní kaselɔ ko maa jɔɔ ní kasemi?

Ke Baiblo mi ní kaselɔ ko yɛ e hɛ mi ngɛ Mawu jami mi hu ɔ, e maa hi kaa o maa gu ga blɔ nɔ nɛ o kɛ lɛ nɛ jɔɔ ní kasemi. (Mat. 10:11) Moo hyɛ kaa e peeɔ níhi nɛ nyɛɛ se nɛ ɔmɛ lo: Anɛ e haa nɛ nyɛ kaseɔ ní ɔ ngɛ be nɛ e to ɔ nya lo? Anɛ e sɛɛ hlami nɛ e dlaa e he kɛ haa ní kasemi ɔ lo? Anɛ e baa asafo mi kpe be komɛ lo? Anɛ e deɔ ni kpahi níhi nɛ e ngɛ kasee ɔ lo? Anɛ e kɛ Baiblo mi sisi tomi mlaahi ngɛ ní tsue, nɛ e ngɛ tsakemihi pee ngɛ e si himi mi lo? E sa nɛ o hyɛ jeha nɛ nɔ ɔ ye, kɛ e nyɛmi, nɛ o kadi hu kaa ni komɛ yaa a hɛ mi mlamlaamla pe ni komɛ. Ke o kɛ nɔ ko jɔɔ ní kasemi ɔ, ha nɛ huɛ bɔmi kpakpa nɛ hi o kɛ lɛ nyɛ kpɛti konɛ ke e suɔ kaa nyɛ tsa ní kasemi ɔ nɔ ɔ, e nyɛ nɛ e de mo.​—1 Tim. 2:4.