Moo Ye Bua Mɛ Konɛ A ‘Nane Nɛ Pi Si Ngɛ Asafo ɔ Mi’

Wa bua jɔ kaa Yehowa ngɛ nihi a nya buami ɔ nɔ jɔe, nɛ a baptisiɔ nihi nɛ a he hiɛ pe 250,000 daa jeha. (5 Mose 28:2) Ke nɔ ko ye bua e Baiblo mi ní kaselɔ ko nɛ a baptisi lɛ ɔ, eko ɔ, e ma susu kaa e sɛ nɛ e kɛ Baiblo mi ní kaselɔ ɔ nɛ tsa ní kasemi ɔ nɔ hu, konɛ e ná be kɛ ye bua ni kpahi. Eko ɔ, Baiblo mi ní kaselɔ ɔ hu maa suɔ kaa e kpa ní ɔ kasemi konɛ e ná be fuu kɛ fiɛɛ. Se kɛ̃ ɔ, e he hia nɛ Baiblo mi ní kaseli a nane nɛ pi si ngɛ anɔkuale ɔ mi. E sa nɛ a “mɛtɛ” Kristo he konɛ a ‘nane nɛ pi si ngɛ asafo ɔ mi.’ (Kol. 2:6, 7; 2 Tim. 3:12) Enɛ ɔ he ɔ, ke a baptisi Baiblo mi ní kaselɔ ko ɔ, e sa nɛ e tsa Baiblo mi ní kasemi ɔ nɔ kɛ ya si be nɛ e maa gbe Baiblo Tsɔɔmi kɛ “Mawu Suɔmi” womi ɔ tsuo kasemi nya.—Moo hyɛ April 2011 Wa Matsɛ Yemi Sɔmɔmi ɔ bafa 2 ɔ mi.