E Ji He Blɔ Nɛ Wa Ná Kaa Wa Maa Ma Tsuhi Kɛ Jami Hehi, Nɛ Wa Dla Mɛ

Benɛ Israel bi ɔmɛ maa ma Mawu sɔlemi we ɔ, a hia sika kɛ ní tsuli fuu. Se Israel bi ɔmɛ je a tsui mi nɛ a ye bua. (1Kron 29:2-9; 2Kron 6:7, 8) Benɛ Israel bi ɔmɛ gbe sɔlemi we ɔ mami nya a, bɔ nɛ a plɛ kɛ hyɛ sɔlemi we ɔ nɔ ha a ha nɛ wa na a kpɛti nihi nɛ a hɛ dɔɔ ngɛ Mawu jami he kɛ ni nɛmɛ nɛ a hɛ dɔɛ ngɛ Mawu jami he. (2Ma 22:3-6; 2Kron 28:24; 29:3) Mwɔnɛ ɔ, anɔkuale Kristofohi ngɔ a be kɛ a he wami kɛ ngɛ Matsɛ Yemi Asahi kɛ Kpe Peemi Asahi mae, nɛ a dlaa tsu ɔmɛ konɛ a he nɛ tsɔ be tsuaa be. E ji he blɔ ngua nɛ wa ná kaa wa piɛɛ Yehowa he kɛ ngɛ ní nɛ ɔ tsue, nɛ e ji wa jami ɔ fa hulɔ.​—La 127:1; Kpoj 7:15.

WA MA NYƐ MAA YE BUA KƐ GU . . . 

• 

  Lejɛ ɔ nɛ wa maa bɛɛ ke wa kpa kpe ɔ nɔ. Ke o si fɔfɔɛ be mo blɔ ngmɛe ɔ, lɛɛ moo bɔ mɔde nɛ o mwɔɔ dwɔmi nɛ ngɛ he nɛ o hi si ngɛ ɔ.

• 

  Matsɛ Yemi Asa a nɔ nɛ wa maa ya ke a to blɔ nya ke wa ya dla lejɛ ɔ nɔ. Ke nihi fuu ye bua kɛ dla Matsɛ Yemi Asa a nɔ ɔ, e haa nɛ ní tsumi ɔ sɔɔ nɛ nɔ fɛɛ nɔ bua jɔɔ.​—lv 92-93 kk. 18.

• 

  Wa sika nɛ waa kɛ ma fĩ je kɛ wɛ fiɛɛmi ní tsumi ɔ se ɔ nɔ. Ke wa je wa tsui mi nɛ wa ha ‘sika nyafii enyɔ pɛ’ po ɔ, Yehowa bua jɔɔ he.​—Mar 12:41-44.

• 

  Wa he nɛ waa kɛ ma ha konɛ wa ya ye bua kɛ ma tsu ehehi nɛ asafo ɔ ngɛ mae, kɛ tsu momohi nɛ asafo ɔ ngɛ mɛ dlae ɔ, ke wa si fɔfɔɛ maa ngmɛ wɔ blɔ ɔ. E he hia we nɛ waa le tsu mami he nɔ́ ko loko waa ya.