Wa He Nɛ Maa Be Ngɛ Fiɛɛmi Ní Tsumi ɔ Mi​—Mo Tsake O Munyu ɔ Hɛ Mi

NƆ́ HE JE NƐ E HE HIA: Nihi nɛ a pɔ mɛ nu ɔ kɛ jijɔ kpa amɛ deɔ nimli slɔɔtohi tsuo kaa a “ba ngɔ wami nyu ɔ yaka.” (Kpj 22:17) Nyu nɛ ɔ daa si kɛ ha blɔ nya nɛ Yehowa to konɛ e kɛ kpɔ̃ adesahi nɛ a buɔ lɛ tue ɔ kɛ je yayami kɛ gbenɔ mi. Bɔ nɛ pee nɛ wa nyɛ nɛ waa ye bua nihi nɛ e slo a kusumihi kɛ níhi nɛ a heɔ yeɔ he je ɔ, e he hia nɛ waa fiɛɛ “neneene sane kpakpa a” ngɛ blɔ nɛ e maa ta a tsui he ɔ nɔ.​—Kpj 14:6.

BƆ NƐ O MAA PEE LƐ HA:

• Moo hla munyuyi ko kɛ ngmami nɛ e maa ta nihi nɛ a ngɛ o zugba kpɔ ɔ mi ɔ a tsui he. O ma nyɛ maa ngɔ ní sɛɛmi he nɔ hyɛmi nɔ́ ɔ eko aloo nɔ́ kpa ko nɛ o kɛ tsu ní hyɛ nɛ nihi a bua jɔ he ɔ kɛ tsu ní. Mɛni munyuyihi kɛ ngmamihi lɛ nihi a bua jɔ he? Anɛ nihi babauu ngɛ adafi fiami ko nɛ e ba lingmi nɛ ɔ he munyu tue lo? Mɛni munyu lɛ maa ta yo loo nyumu ko tsui he?

• Ngɔɔ ngamihi kɛ kusumihi nɛ sa ngɛ o kpɔ ɔ mi ɔ kɛ tsu ní ke o kɛ nihi ngɛ ní sɛɛe.​—2Ko 6:3, 4

• Moo le bɔ nɛ a kɛ womihi kɛ videohi nɛ a piɛɛ wa Ní Tsɔɔmi Ga Dade ɔmɛ a he ɔ tsuɔ ní ha, konɛ o nyɛ nɛ o kɛ ye bua nɔ ko nɛ e bua jɔ munyu ɔ he

• Moo gbla womihi kɛ videohi ngɛ gbi slɔɔtohi nɛ nihi tuɔ ngɛ o zugba kpɔ ɔ mi ɔ mi

• Mo tsake o munyuyi ɔ konɛ e kɛ wetsɛ ɔ si fɔfɔɛ ɔ nɛ kɔ. (1Ko 9:19-23) Kaa nɔ hyɛmi nɔ́ ɔ, ke o le kaa wetsɛ ko nɔ ko gbo lɛ ɔ, mɛni he ní nɛ o kɛ lɛ maa sɛɛ?

NYƐƐ HYƐ VIDEO Ɔ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni munyuyi nɛ fiɛɛlɔ ɔ kɛ je e ní sɛɛmi ɔ sisi?

• Mɛni si fɔfɔɛ mi nɛ wetsɛ ɔ ngɛ?

• Ngɛ si fɔfɔɛ kaa kikɛ nɛ ɔ mi ɔ, ngmami ɔmɛ a kpɛti te nɛɛ lɛ e sa kaa fiɛɛlɔ ɔ kɛ ko tsu ní, nɛ mɛni he je?

• Mɛni blɔ nɔ o guɔ kɛ tsakeɔ o ní sɛɛmi ɔ hɛ mi konɛ nihi nɛ a ngɛ o kpɔ ɔ mi ɔ a bua nɛ jɔ he?