AUGUST 5-11

JUETLI NƐ NGƐ MAWU MUNYU Ɔ MI

1. Nyɛɛ Tu Mawu He Wami ɔ He Munyu Kɛ Tsɔɔ “Yi Nɔ Nɛ Nyɛɛ Se ɔ”

(Hɛngm. 10)

Yehowa po David he piɛ ngɛ e nihe be mi (La 71:5; mwbr24.07 bf. 7 kk. 5)

Yehowa ye bua David benɛ e bwɔ ɔ (La 71:9; w14 3/1 21 ¶ 3-4)

David ngɔ níhi a si kpamihi nɛ e ngɛ ɔ kɛ wo nihewi kɛ yihewi he wami (La 71:17, 18; w14 1/1 23 ¶4-5)

Weku ko nɛ a kɛ nɔ́ nɛ a kase otsi nɛ be kɛ kɔɔ “Sisi Tomi Mlaahi Nɛ Kɔɔ Gbɔkuɛ Weku Mawu Jami He” ɔ ngɛ ní tsue. A fɔ nyɛminyumu ko kɛ e yo nɛ a wa ngɛ jeha mi ɔ nine kɛ ba a weku Mawu jami ɔ sisi nɛ a kɛ bua jɔmi ngɛ mɛ tue bue benɛ a ngɛ mɛ fonihi tsɔɔe nɛ a ngɛ mɛ a níhi a si kpamihi dee ɔ.

MO BI O HE KE, ‘Mɛnɔ lɛ e kɛ jeha babauu sɔmɔ Yehowa nɛ e ngɛ wa we asafo ɔ mi nɛ ma suɔ kaa e de wɔ e níhi a si kpami ngɛ wa weku Mawu jami ɔ sisi?’

2. Ngmami ɔ Mi Junehi

(Hɛngm. 10)

La 72:8—Kɛ si nɛ Yehowa wo Abraham ngɛ 1 Mose 15:18 plɛ kɛ ba mi ngɛ Matsɛ Salomo nɔ yemi ɔ mi ha kɛɛ? (mwbr24.07 bf. 8 kk. 5)

O heto
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?

O heto

3. Baiblo Kanemi

(Hɛngm. 4) La 71:1-24 (th ní kasemi 5)

MOO BƆ FIƐƐMI NÍ TSUMI Ɔ HE MƆDE

4. Bɔ Nɛ O Maa Je Ní Sɛɛmi Sisi Ha

(Hɛngm. 3) WEHI A MI FIƐƐMI. Ke nɔ ɔ kɛ mo ngɛ nya sae ɔ, moo gu ga blɔ nɔ nɛ o po ní sɛɛmi ɔ nɔ. (lmd ní kasemi 4 oti 5)

5. Kpale Ya Slaa Nihi Nɛ A Bua Jɔ Munyu ɔ He

(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. O kɛ o weku no ko nɛ be ko nɛ be ɔ, e gbla e nane si ngɛ Baiblo ɔ kasemi he ɔ nɛ tsa ní sɛɛmi ɔ nɔ. (lmd ní kasemi 8 oti 4)

6. Moo Tsɔɔ Nihi Níhi Nɛ O Heɔ Yeɔ

(Hɛngm. 5) Munyu Tumi. ijwfq-E 49—Munyuyi: Mɛni He Je Nɛ Yehowa Odasefo Ɔmɛ Tsake Bɔ Nɛ A Nu Ní Komɛ A Sisi Ha Be Ko Nɛ Be ɔ? (th ní kasemi 17)

KRISTOFOHI A SI HIMI

7. Níhi Nɛ Maa Ye Bua Weku Mawu Jami

(Hɛngm. 15) Ní Sɛɛmi.

Weku nɛ wa tu a he munyu kɛ sɛ hlami ɔ nɛ a daa si nɛ a ngɛ Matsɛ Yemi la lae.

Weku ɔ nɔuu nɛ a ngɛ JW Brɔɔdkastin hyɛe.

A biyo ɔ kake nɛ e kɛ e yayo ngɛ munyu tue benɛ a ngɛ Weku Mawu Jami ɔ pee ɔ.

Gbɔkuɛ Weku Mawu Jami ɔ ji be pɔtɛɛ nɛ e sa nɛ fɔli kɛ tsɔɔ a bimɛ “Yehowa tsɔsemi kɛ e ga womi” he ní. (Efe 6:4) Ní kasemi biɔ babauu peemi, se wa bua ma nyɛ maa jɔ he titli ɔ, ke jokuɛwi ɔmɛ ná suɔmi kɛ ha Baiblo mi anɔkuale ɔmɛ. (Yo 6:27; 1Pe 2:2) Nyɛɛ hyɛ daka nɛ ji “Níhi Nɛ Maa Ye Bua Weku Mawu Jami” konɛ lɔ ɔ nɛ ye bua fɔli nɛ a ha nɛ a gbɔkuɛ Weku Mawu Jami ɔ nɛ e pee ní sɛɛmi kɛ bua jɔmi, lɔ ɔ se ɔ, nyɛ susu sane bimihi nɛ nyɛɛ se nɛ ɔmɛ a he:

Ní nɛ ɔmɛ a kpɛti te nɛɛ nɛ o maa suɔ kaa o kɛ ma tsu ní?

O heto
Anɛ o na nɔ́ kpa ko nɛ maa ye bua mo lo?

O heto

NÍHI NƐ MAA YE BUA WEKU MAWU JAMI

BAIBLO:

Nyɛɛ bu daa otsi Baiblo kanemi he audio ɔ tue, aloo nyɛɛ kane nɛ e je kpo. Nyɛ ma nyɛ ma gba kɛ kane. Weku mi bimɛ ɔmɛ a ti nɔ fɛɛ nɔ ma nyɛ maa kane munyuhi nɛ nɔ ko nɛ Baiblo ɔ wo e ta a tu ɔ
E sa nɛ wekuyi ɔ nɛ e da Baiblo nɛ a maa kane ngɛ otsi ɔ mi ɔ nɔ kɛ hla sane bimihi. Ha nɛ weku mi bimɛ ɔmɛ a ti nɔ fɛɛ nɔ nɛ hla sane bimi ɔ kake nɛ a hla níhi a mi kɛ kɔ he. Kɛkɛ ɔ, a kɛ weku mi bi ɔmɛ nɛ sɛɛ níhi a mi hlami nɛ a ya pee ɔ he ní
Mo bi sane aloo moo tu si fɔfɔɛ ko he munyu konɛ nyɛ hla sisi tomi mlaahi nɛ kɔ he ɔ ngɛ Ngmamihi Nɛ Yeɔ Buaa Kristofohi womi ɔ mi
Nyɛɛ pee nɔ́ ko nɛ ya nɔ ngɛ Baiblo ɔ mi ɔ he peemi kɛ tsɔɔ
Daa otsi ɔ, nyɛɛ ngma Baiblo ngmamihi kɛ a mi munyu ɔmɛ kaa nɔ́ nɛ ngɛ mi tsɔɔmi munyu (A) nɛ ngɛ Moo Suɔ Nihi—Moo Pee Mɛ Kaseli womiyo ɔ mi ɔ kɛ fɔ kaadihi loo womi nyafinyafihi a nɔ, nɛ nyɛɛ kase mɛ kɛ wo nyɛ yi mi. Nyɛ nylɔ kaadihi loo womi nyafinyafihi nɛ nyɛɛ kɛ tsu ní otsi nɛ be ɔ mi
Nyɛɛ kase Ná Bua Jɔmi Kɛ Ya Neneene! womi ɔ fá ko
Mo ha nɛ weku mi bimɛ ɔmɛ nɛ a ya hla níhi a mi ngɛ Munyuhi nɛ ngɛ blɔ he nɛ ji “Baiblo Mi Sane Bimihi Nɛ A Ha Heto” nɛ ngɛ BAIBLO TSƆƆMIHI blɔ he ɔ ngɛ jw.org ɔ nɔ

ASAFO MI KPEHI:

Nyɛɛ ngɔ níhi nɛ a maa kase ngɛ asafo mi kpe sisi ɔ eko kɛ dla nyɛ he
Nyɛ dla nyɛ sane heto ɔmɛ nɛ nyɛɛ ti mi si abɔ. Nyɛɛ ye nyɛ be ɔ nɔ
Nyɛɛ kase Matsɛ Yemi la amɛ
Nyɛ susu nɔ́ nɛ nyɛ ma de kɛ wo nyɛmi ko he wami ke kpe ɔ ji sisi lolo aloo ke a kpa kpe ɔ he
Ke nyɛ ti nɔ ko ngɛ sukuu ní peemi ngɛ otsi ɔ mi kpe nɛ maa baa mi ɔ, e pee kɛ tsɔɔ weku mi bimɛ ɔmɛ

FIƐƐMI NÍ TSUMI Ɔ:

Nyɛ dla nyɛ he kɛ ha wehi a mi fiɛɛmi ní tsumi ɔ
Nyɛ dla nyɛ he kɛ ha kpale ya slaa
Nyɛɛ pee si fɔfɔɛ ko nɛ tsɔɔ nɔ ko nɛ e kɛ bua jɔmi ngɛ odase yee be mi nɛ e be fiɛɛmi tso mi ɔ he peemi kɛ tsɔɔ
Nyɛ susu oti komɛ nɛ nyɛ ma nyɛ kɛ ma nyɛ hɛ mi konɛ nyɛ bli nyɛ sɔmɔmi ní tsumi ɔ mi ngɛ Kaimi be ɔ mi loo ke nyɛ ba he jɔɔmi ɔ he

WEKU Ɔ HIAMI NÍHI:

Nyɛɛ pee si fɔfɔɛ ko nɛ ba, loo si fɔfɔɛ ko nɛ ma nyɛ maa ba kɛ bɔ nɛ nyɛ ma tsu he ní ha a he peemi kɛ tsɔɔ. E ma nyɛ ma kɔ wa he nɛ waa kɛ wui ma kudɔmi sanehi a mi, nɔ nya doomi, nyɛɛmi kɛ sɛ gba si himi mi loo gbijlɔ yemi he
Nyɛɛ pee peemi kɛ tsɔɔ nɛ nyɛ ha nɛ jokuɛ ɔmɛ nɛ a pee a ni kaa fɔli nɛ fɔli ɔmɛ hu nɛ a pee a ni kaa jokuɛ ɔmɛ. Jokuɛ ɔmɛ nɛ a hla níhi a mi ngɛ nɔ́ nɛ a maa kase ɔ he nɛ a kɛ fɔli ɔmɛ nɛ susu he

NÍ KPAHI NƐ MAA YE BUA:

Nyɛɛ hyɛ JW Brɔɔdkastin ɔ eko nɛ nyɛ susu he
Nyɛɛ kane munyu ko loo nyɛɛ hyɛ video ko ngɛ jw.org ɔ nɔ nɛ nyɛ susu he
Nyɛ susu nɔ́ ko nɛ ngɛ “Nihewi Kɛ Yihewi” loo “Jokuɛwi” blɔ he ɔ ngɛ BAIBLO TSƆƆMIHI sisi ngɛ jw.org ɔ nɔ ɔ he
Nyɛ susu ní komɛ nɛ nyɛ ngma ngɛ kpɔmi kpe loo kpokpa nɔ kpe ko nɛ nyɛ ya a he
Nyɛ hla níhi a mi kɛ kɔ adebɔ níhi a he nɛ nyɛ susu nɔ́ nɛ e tsɔɔ ngɛ Yehowa he ɔ he
Be komɛ ɔ, nyɛɛ fɔ nɔ ko nine kɛ ba nyɛ weku Mawu jami ɔ sisi nɛ nyɛ bi lɛ sanehi
Nyɛɛ kɛ mumi mi otihi nɛ ma nyɛ hɛ mi, nɛ nyɛ susu blɔhi a nɔ nɛ nyɛ maa gu kɛ su a he ɔ he
Nyɛ bla kɛ kpɛ Noa daka a henɔ, aloo nyɛɛ kase mahi a he foni kɛ níhi nɛ a tɛni nɛ a ngɛ New World Translation ɔ kɛ wa womi ɔmɛ a mi ɔ he ní

Je VIDEO nɛ ji, Ha Nɛ O Weku Mawu Jami ɔ Nɛ Pee Bua Jɔmi Be Fɛɛ Be. Lɔ ɔ se ɔ, mo bi tue buli ɔmɛ ke:

Ke bimɛ be weku ɔ mi ɔ, mɛni huno ɔ maa pee kɛ ha nɛ weku Mawu jami ɔ nɛ ngɔ loo e pee bua jɔmi kɛ ha e yo ɔ?

O heto

8. Asafo Baiblo Mi Ní Kasemi

(Hɛngm. 30) bt yi 13 ¶17-24