Anɛ Yihi Nɛ A Ji Yehowa Odasefohi ɔ Fiɛɛ Lo?

Ee. Yehowa Odasefohi ayɔhi abɔ nɛ yihi hu piɛɛ he ɔ ji fiɛɛli. Kaa bɔ nɛ Baiblo ɔ gba kɛ fɔ si ɔ, ‘yihi babauu ngɔ sɛ gbi ɔ kɛ ho.’​—La 68:11.

Yihi nɛ a ji Yehowa Odasefohi ɔ nyɛɛ nɔ hyɛmi nɔ́ nɛ yihi nɛ Baiblo ɔ tu a he munyu ɔ pee ɔ se. (Abɛ 31:10-​31) E ngɛ mi kaa a nyɛɛ we hɛ mi ngɛ asafo ɔ mi mohu lɛɛ, se a kɛ a he woɔ fiɛɛmi ní tsumi ɔ mi vii. Jehanɛ hu, a tsɔɔ a bimɛ mlaahi nɛ ngɛ Baiblo ɔ mi. (Abɛ 1:8) Yihi nɛ a ji Odasefohi ɔ bɔɔ mɔde nɛ a peeɔ nɔ hyɛmi nɔ́ kpakpa kɛ gu a munyu tumihi kɛ a ní peepeehi a nɔ.​—Tito 2:​3-5.