Ni Kasemi 15

Ye Bua Ni Kpahi nɛ A Pee Mawu Suɔmi Nya Ni

Mini he je nɛ e sa nɛ o de ni kpahi nihi nɛ o ngɛ kase ɔ? (1)

Mɛnɛ mɛ o ma nyɛ kɛ dla sane kpakpa ɔ? (2)

Mini he wami o jemi ba ma nyɛ maa na ngɛ ni kpahi a nɔ? (2)

Mini be o ma nyɛ nɛ o kɛ asafo ɔ mi bi maa fiɛ? (3)

1. Kɛ ba su amlɔ nɔ, o kase nihi kpakpahi fuu ngɛ Baiblo ɔ mi. E sa kaa ni lemi nɔ ha nɛ o je Kliistofohi a subai kpo kɛ tsɔɔ. (Efesobi 4:22-24) Ni lemi nɔ he hia konɛ o na neneene wami. (Yohane 17:3) Se, e he hia nɛ ni kpahi hu nɛ nu sane kpakpaa be nɛ pee ha nɛ a he a wami. E sa nɛ anɔkuale Kliistofohi tsuo fiɛ kɛ tsɔɔ ni kpahi. E ji Mawu kita nɛ e wo.—Romabi 10:10; 1 Korintobi 9:16; 1 Timoteo 4:16.

2. O ma nyɛ maa je sisi konɛ o kɛ ni nɛ o le ɔ gba nihi kpakpahi nɛ o ngɛ kase ɔ he sane. O de o weku bi, o huɛ mɛ, o sukuu bi, kɛ o ni tsumi mi bi. O kɛ mi mi himi kɛ tsui si tomi tsu e nɔ he ni. (2 Timoteo 2:24, 25) O kai kaa ngɛ be fuu mi ɔ, nihi hyɛ nɔ subai pe e nyami munyu. Lɔɔ he je ɔ, o jemi ba kpakpa ma nyɛ maa gbla ni kpahi konɛ a bu sane nɛ o fiɛ kɛ tsɔɔ mɛ tue.—Mateo 5:16; 1 Petro 3:1, 2, 16.

3. Ngɛ be ko se ɔ, o kɛ Yehowa Odasefohi asafo nɛ ngɛ he nɛ o ngɛ ɔ maa je fiɛmi sisi. E nɔ ji o nane hiami kɛ o hɛ mi yami nɛ he hia saminya. (Mateo 24:14) Mini buajɔ po o maa na kaa kikɛ nɔ ke o nyɛ ye bua nɔ ko nɛ e ba pee Yehowa sɔmɔlɔ nɛ e maa na neneene wami ɔ!—1 Tesalonikabi 2:19, 20.