The Bible​—Accurate History, Reliable Prophecy

Mɛni odase yemi lɛ tsɔɔ kaa yinɔ sane mi munyuhi nɛ Baiblo ɔ tu ɔ da? Mɛni Baiblo gbamihi lɛ ba mi nɛ ha nɛ wa ná nɔ mi mami kaa gbamihi nɛ bɛ mi lolo ɔ hu maa ba mi? A susu sane bimi nɛ ɔmɛ a he ngɛ video nɛ e yi ji, The Bible—Accurate History, Reliable Prophecy (Yinɔ Sane Kɛ Gbami Munyuhi Nɛ A Ngɛ Baiblo ɔ Mi ɔ Da, Nɛ Wa Ma Nyɛ Maa Ngɔ Wa He Kɛ Fɔ Nɔ), nɛ ji video etɛne nɛ ngɛ DVD nɛ e yi ji, The Bible—A Book of Fact and Prophecy ɔ nɔ ɔ mi. Ke o hyɛ video nɛ ɔ, anɛ o ma nyɛ ma ha sane bimi nɛ nyɛɛ se nɛ ɔmɛ a heto lo?

(1) Mɛnɔ lɛ e ha nɛ a ngma munyuhi nɛ a da nɛ a ngɛ Baiblo ɔ mi ɔ? (Dan. 2:28) (2) Kɛ Baiblo ɔ kale blema Egipt ma a ha kɛɛ, nɛ mɛni blɔ nɔ gbami munyu nɛ ngɛ Yesaya 19:3, 4 ba mi ngɛ? (3) Mɛni blɔ nɔ nihi nɛ a tsuaa si kɛ hlaa blema sanehi a mi ɔ ma bɔnɛ Baiblo ɔ kale Asiria ma a, kɛ matsɛmɛ nɛ a ye nɔ ngɛ Asiria, kɛ bɔnɛ a plɛ kɛ kpata Asiria ma a hɛ mi ha a nɔ mi? (Nah. 3:1, 7, 13) (4) Mɛni gbami lɛ a gba kɛ kɔ Babilon he nɛ e ba mi? (Yer. 20:4; 50:38; 51:30) (5) Mɛni gbami lɛ a gba kɛ kɔ Medo-Persia ma a he nɛ e ba mi? (Yes. 44:28) (6) Mɛni blɔ nɔ munyuhi nɛ a ngma ngɛ Daniel 7:6 kɛ 8:5, 8 ba mi ngɛ Hela ma a nɔ ngɛ? (7) Mɛni blɔ nɔ munyu nɛ a ngma ngɛ Daniel 7:7 ba mi benɛ Roma ma a ba bɔni je ɔ nɔ yemi ɔ? (8) Kaisare te nɛ mɛ nɛ Baiblo ɔ wo a ta nɛɛ? (9) Mɛni ba Kristofoli a nɔ be mi nɛ Nero ngɛ matsɛ yee ɔ? (10) Mɛni blɔ nɔ gbami munyuhi nɛ a ngma ngɛ Kpojemi 13:11 kɛ 17:10 ba mi ngɛ? (11) Mɛnɔ ji matsɛ kpaanyɔne ɔ? (12) Mɛni lɛ ngɛ video ɔ mi nɛ tsɔɔ kaa munyu nɛ ngɛ Fiɛlɔ 8:9 ɔ ji anɔkuale? (13) Mɛni gbamihi nɛ a maa ba mi hwɔɔ se lɛ o ngɛ blɔ hyɛe wawɛɛ? (14) Mɛni blɔ nɔ nɛ o ma nyɛ maa ngɔ video nɛ ɔ kɛ ye bua nihi konɛ a nu sisi kaa Mawu lɛ ha nɛ a ngma Baiblo ɔ ngɛ?