“Moo Hla Nikɔtɔmahi”

Tit 1:5-9

Paulo de Tito kaa e “hla nikɔtɔmahi ngɛ ma fɛɛ ma mi.” Mwɔnɛ ɔ hu ɔ, a nyɛɛɔ nɔ hyɛmi nɔ́ nɛ ngɛ Ngmami nɛ ɔ mi ɔ se, nɛ ke kpɔ mi nɔ hyɛli ya slaa asafohi ɔ, a hlaa nihi nɛ sa kɛ ha sɔmɔmi he blɔhi.

BLƆ TSƆƆMI AJLA TOLI

Kaa bɔ nɛ e ji ngɛ kekleekle jeha lafa a mi ɔ, mwɔnɛ ɔ hu ɔ, Blɔ Tsɔɔmi Ajla Toli ɔmɛ ngɔ he blɔ kɛ ha kpɔ mi nɔ hyɛli kaa a hla asafo mi nikɔtɔmahi kɛ asafo mi sɔmɔli.

KPƆ MI NƆ HYƐLI

E sa kaa kpɔ mi nɔ hyɛli nɛ a kɛ sɔlemi nɛ susu nihi nɛ asafo mi nikɔtɔmahi je a yi kɛ ha sɔmɔmi he blɔhi ngɛ asafo ɔ mi ɔ a he loko a hla mɛ.

ASAFO MI NIKƆTƆMAHI

Ke a hla nɔ ko kaa asafo mi nɔkɔtɔma po ɔ, e sa kaa e ya nɔ nɛ e su Ngmami ɔ nya hlami ní ɔmɛ a he.