Fiɛɛmi Klɛdɛɛ Nɛ A Kɛ Maa Fia Mawu Matsɛ Yemi ɔ He Gɔgɔ Ngɛ September Nyɔhiɔ ɔ Mi!

Ngɛ September nyɔhiɔ ɔ mi ɔ, wa maa bɔ mɔde fɛɛ nɛ wa ma nyɛ konɛ wa ha nɛ nihi nɛ a le kaa Mawu Matsɛ Yemi ɔ pɛ ji adesahi tsuo a nyagba amɛ a nya tsaba. (Mat 24:14) Mɛni o maa pee konɛ o ngɔ o he kɛ wo mi? O kɛ nihi babauu nɛ susu ngmami ko nɛ kɔɔ Mawu Matsɛ Yemi ɔ he ngɛ nyɔhiɔ ɔ mi. Ke nɔ ko bua jɔ munyu ɔ he ɔ, ha lɛ ma bi a Hwɔɔmi Mɔ No. 2 2020 ɔ eko. Lɔ ɔ se ɔ, moo kpale ya slaa lɛ nɔuu, nɛ o bɔ mɔde nɛ o kɛ lɛ nɛ je Baiblo mi ní kasemi sisi ngɛ Ná Bua Jɔmi Kɛ Ya Neneene! womiyo ɔ mi. Nihi tsuo nɛ a ma sɔmɔ kaa blɔ gbali a wali ngɛ September nyɔhiɔ ɔ mi ɔ ma nyɛ maa ngɔ ngmlɛfia 15 loo 30 kɛ tsu fiɛɛmi ní tsumi ɔ.

E be kɛe nɛ Mawu Matsɛ Yemi ɔ ma kpata adesa nɔ yemihi tsuo a hɛ mi. (Dan 2:44; 1Ko 15:24, 25)Nyɛ ha nɛ waa ngɔ he blɔ klɛdɛɛ nɛ ɔ nɛ wa ná a kɛ tsɔɔ kaa wa fĩ Yehowa kɛ e Matsɛ Yemi ɔ se kpɛii!