• Սաղմոս 53։ենթախորագիրը-6
    Աստվածաշունչ․ «Նոր աշխարհ» թարգմանություն

    • Նվագավարին: Մախալաթ:* Մասքիլ:* Դավթի երգը:

      53 Հիմարներն ասում են իրենց սրտում.

      «Եհովա գոյություն չունի»:+

      Նրանց գործերը անարդար են, կեղտոտ ու նողկալի,

      Չկա մեկը, որ բարին անի:+

       2 Աստված երկնքից նայում է մարդկանց որդիներին,+

      Որ տեսնի՝ հասկացողություն ունեցող մեկը կգտնվի՞,

      Կա՞ մեկը, որ Եհովային փնտրի:+

       3 Բայց բոլորն էլ ճանապարհից շեղվել են,

      Բոլորն էլ ապականվել են,

      Բարին անող մեկը չկա,

      Գեթ մեկն էլ չկա:+

       4 Ի՞նչ է, մեղսագործները ոչինչ չե՞ն հասկանում,

      Որ հացի պես խժռում են իմ ժողովրդին:

      Նրանք աղոթք չեն ուղղում Եհովային:+

       5 Սակայն ահ ու սարսափ կպատի նրանց,

      Այնպիսի սարսափ, որ անծանոթ է նրանց:*

      Ձեզ վրա հարձակվողների ոսկորները ցիրուցան կանի Աստված:

      Դուք նրանց խայտառակ կանեք, որովհետև Եհովան մերժել է նրանց:

       6 Երանի՜ Իսրայելի համար փրկություն գար Սիոնից:+

      Եվ երբ Եհովան իր ժողովրդին վերադարձնի գերությունից,

      Թող որ Հակոբն ուրախանա, թող Իսրայելը ցնծա: