Lied 150
Die brood uit die hemel
1. Ons Vader in die hemel,
Dieselfde sal u ewig bly.
Graag sal ons tot u lof sing,
U naam se heiligheid bely.
U het eens soos ’n Herder,
Ten tye van groot nood,
U nasie trou beskerm,
En manna was hul brood.
U les hul dors met water
En lei hul met ’n digte wolk.
U bring hul toe na Kanaän—
’n Blye en geseënde volk.
2. U Seun is afgeskadu
Deur daardie wonderbare brood.
Hy kom toe uit die hemel
En red die mensdom van die dood.
Hy is die brood van God af.
Sy vlees het hy gegee
As losprys vir die mensdom
En deel so lewe mee.
Geloof in hom is redding.
Eet dus die brood wat God voorsien.
Ja, eet dit elke dag weer
Dat ons Jehovah rein kan dien.
3. Kom,bring die brood na mense
Wat swaarkry weens ’n honger- snood.
Gehoorsaam Christus Jesus
En voed sy “skape”met die brood.
Help ander in hul soektog
Na Gods geregtigheid,
Dat Hy hul ook kan seën
Tot in die ewigheid.
Na Jesus Armageddon
Gevoer het en die septer swaai,
Dan loof ons God voortdurend
Hier op ’n aarde rein en fraai.