Áma Wu Kunlu Tu

Mɔɔ Gyisɛsɩ Yɛlɩ

VIDIYO: Gyisɛsɩ Lili Zakɩyɔsʋ Dasɩlɛ

1. Kila VIDIYO yɩ, anzɛnyɩɩ kɩnga Luuku 19:​1-7. Akʋ̃ bozunzu ndwokɔɣizialɛ mɔɔ ilili zʋlɔ yɩ nwʋ:

1. Ɩkɛyɛ kɛɛ mɩnla ti mɔɔ nɩ abiyemmɔ bɛ nɩɩ Zakɩyɔsʋ áwɔ a?

2. Mɩnla yɛ ɩhanlɩ Gyisɛsɩ ma ɩhanlɩ odwokɔba nɩ be ihileli yi a?

Mɩnla Yɛ Yesuma Wɔ Gyisɛsɩ Kɛnɩ a?

2. Sɛ yɛáma ye kunlu tu a, sa yɛkʋla yɛkã bulombunlililɛ odwokɔ yɩ yekile abiyela.

Sumazuma Gyisɛsɩ

3. Fa wʋ nwʋ tiã Gyehova zʋ. Nyamɩnlɩ yɩ sunzuma manlɩ Gyisɛsɩ nyianlɩ anwʋzɩzɩbɛ mɔɔ ɩkɛva ikeli dasɩlɛ na ɩkɔhʋla ɩkɔwʋwa wʋzawʋ sʋ̃. (Mt. 10:​19, 20; Lk. 4:18) Siã Gyehova kɛɛ ɩwʋwa wʋ ma ɔhʋla eli mmenii mɔɔ wʋ kunlu tuli bɔ nwʋ nɩ dasɩlɛ.—Egy. 4:29.

4. Mábu mmenii ndɛnɩ. Kezimɔ abiye dɩ, yi dibilɛ, ozukua mɔɔ ɩlɛ, yɩ ɛbɩlawɔlɛ anzɛnyɩɩ yi dedi kɔhʋla kɛma yɛkɔhwɩnhwɩ̃ yɛ agyia azɩ kɛɛ yekeli yɩ dasɩlɛ. Naasʋ̃ kakɛ kɛɛ:

1. Amɩyɛ mɛyɩ yɛlɔ́kʋla yɛkɔnwʋ mɔɔ ɩwɔ abiye yɩ ahʋnlɩnɩ nu, sa Gyehova nɩɩ Gyisɛsɩ la.

2. Abiyela íni kɛnɩ mɔɔ Gyehova lɔ́kʋla kɔwʋwa yɩ.

5. Máma wu kunlu tu naasʋ̃ da annidi ali na ma wʋ anyɩ ɩla ɛkɛnɩ. (Mt. 10:16) Áma ɛ nɩɩ yɩ sũ pɩla. Sɛ ɩábɛ kɛɛ itiye anzɛnyɩɩ ɛtɩ nɣanlɩ kɛɛ wʋ nnwʋanlɩ ɩla asianɩ nu a, ɔzʋ̃ annidi nu tua nkɔmmɔwɔlɛ yɩ zʋ.—Ɛɣɛ. 17:14.